«Junactva» i «Kieramin» – finalisty čempijanatu Biełarusi pa chakiei
Finalnyja matčy projduć 29 i 30 sakavika, 2 i 3 krasavika, a taksama, kali spatrebicca 5, 7 i 9 krasavika. Seryja budzie adbyvacca da čatyroch pieramoh.
Siońnia vyznačylisia finalisty čempijanatu Biełarusi pa chakiei. Pieršymi ŭ hałoŭnuju seryju sezonu trapili chakieisty mienskaha «Junactva», jakija ŭ suchuju pieramahli letašniaha čempijona «Dynama».
Siońniašni matč taksama prajšoŭ pry značnaj pieravazie kamandy Michaiła Zacharava. Užo ŭ pieršym peryjadzie «Junactva», dziakujučy šajbam Panamarova i Kaściučonka, vyjhravała 2:0. Na 24-aj chvilinie Kołasaŭ krychu skaraciŭ razryŭ, ale dva trapnych kidki Baraŭkova pastavili kryž na załatych pretenzijach «Dynama» – 1:4.
«Kieraminu» siońnia ŭ razy składaniej pryjšłosia ŭ Viciebsku. Adnajmienny klub z horadu nad Dźvinoj paśla dvuch parazaŭ u Miensku, narešcie pakazaŭ na što jon zdolny. Chacia faktyčna ŭsiu hulnu «Viciebsk» byŭ u roli dahaniajučaha – 0:2, 2:3. Za try chviliny da finalnaj syreny Ihošyn zmoh zraŭniać lik, pieravioŭšy matč u overtajm. Tolki na 68-aj chvilinie abaronca zbornaj Biełarusi Makrycki vyvieŭ «Kieramin» u finał – 3:4.
Takim čynam, u finale šasnaccataha čempijanatu Biełarusi pa chakiei sustrenucca mienskija «Kieramin» i «Junactva». Finalnyja matčy projduć 29 i 30 sakavika, 2 i 3 krasavika, a taksama, kali spatrebicca 5, 7 i 9 krasavika. Seryja budzie adbyvacca da čatyroch pieramoh.
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień12
Kamientary