Były premjer-ministr Vienhryi Viktar Orban, jaki zajmaŭ hetuju pasadu 16 hadoŭ da maja 2026 hoda, znoŭ abrany staršynioj partyi «Fides», niahledziačy na skryšalnuju parazu hetaj palityčnaj siły na parłamienckich vybarach u krasaviku, piša «Jeŭrapiejskaja praŭda».
Na źjeździe partyi ŭ Budapiešcie za Orbana prahałasavali 729 delehataŭ, jašče vosiem ustrymalisia. Paśla abviaščeńnia vynikaŭ jon padziakavaŭ adnapartyjcam za davier.
U svajoj pramovie Orban pryznaŭ, što niasie stratehičnuju adkaznaść za vybarčuju parazu. Razam z tym jon zajaviŭ, što nie źbirajecca admaŭlacca ad palityčnaj dziejnaści i maje namier dapamahčy partyi adnavicca i abnavicca ŭ najbližejšyja miesiacy.
Jon taksama adznačyŭ, što choča pieradać «Fides» maładomu pakaleńniu jak palityčnuju siłu, zdolnuju znoŭ zmahacca za pieramohu na vybarach. Orban padkreśliŭ, što nie płanuje kardynalna mianiać svaje pohlady abo iści na palityčnyja kampramisy, jakija supiarečać jaho pierakanańniam.
Raniej u ŚMI źjaŭlałasia infarmacyja, što asobnyja pradstaŭniki amierykanskaha palityčnaha asiarodździa, źviazanaha z rucham MAGA, razhladali mahčymaść pracaŭładkavańnia Orbana ŭ mižnarodnych strukturach, u tym liku ŭ AAN, u vypadku mahčymych sudovych prablem na radzimie. Taksama žurnalisty paviedamlali pra nibyta mahčymyja płany Orbana šukać prytułak za miažoj, adnak aficyjnaha paćviardžeńnia hetamu nie było.
Byłoha premjera Vienhryi Orbana mohuć prystroić na pracu ŭ AAN
Parłamient Vienhryi admianiŭ raniejšaje rašeńnie ab vychadzie krainy ź Mižnarodnaha kryminalnaha suda
Prezident Vienhryi admoviŭsia vykonvać patrabavańnie Madźjara adnosna adstaŭki
U Vienhryi ŭpieršyniu vyklikali rasijskaha pasła dla tłumačeńniaŭ pra vajnu
«Upieršyniu za hady ŭ zale niama ruskich» — Tusk tonka pakpiŭ z Orbana
Kamientary