Fota maje ilustracyjny charaktar
Minski kuchar vyrašyŭ abrabavać saŭnu paśla praviedzienaj tam nočy ź dźviuma dziaŭčynami, paviedamiła pres-aficer Centralnaha RUUS horada Minska Taćciana Aboznaja.
24-hadovy małady čałaviek paznajomiŭsia viečaram na vulicy ź dźviuma dziaŭčynami. U vyniku jany vyrašyli praciahnuć znajomstva ŭ saŭnie. Kala 7 hadziny ranicy kampanija sabrałasia sychodzić, i dziaŭčaty padyšli da administratara, kab raźličycca.
Chłopiec užo nakiroŭvaŭsia da vychadu, adnak niečakana viarnuŭsia, schapiŭ pačak hrošaj, jaki supracoŭnica saŭny dastała z kasy dla raźliku z klijentami, i ŭciok.
Administratar i adna z novych znajomych kuchara pasprabavali dahnać maładoha čałavieka, ale heta im nie ŭdałosia. Rabotnik saŭny viarnułasia na pracoŭnaje miesca, kab vyklikać milicyju, a klijentka praciahnuła pradprymać sproby dahnać padazravanaha.
Pry hetym jana taksama telefanavała ŭ milicyju i nazyvała supracoŭnikam jaho prykmiety, adnak nieŭzabavie zhubiła chłopca z-pad uvahi ŭ ciemry.
Kirujučysia apisańniem dziaŭčyny, u adnym z dvaroŭ pa vulicy Niamiha kuchara pa haračych śladach zatrymaŭ narad milicyi.
Padazravany raniej sudzimy nie byŭ. U dačynieńni da jaho zaviedziena kryminalnaja sprava pa art. 206 (rabavańnie) Kryminalnaha kodeksa Biełarusi. Jamu pahražaje da čatyroch hadoŭ pazbaŭleńnia voli.
Kamientary