Padatkaviki prapanujuć biełarusam vyjhrać da 5 miljonaŭ rubloŭ. Dla hetaha treba zachavać ček ad pakupki i padać zajaŭku na ŭdzieł u rekłamnaj hulni «Kasavy ček jak ščaślivy kvitok». Praviły raźmieščany na sajcie Ministerstva pa padatkach i zborach.
Rekłamnaja hulnia projdzie z 1 pa 27 śniežnia ŭ handlovych centrach piaci haradoŭ — Breście (TAA «Łahuna»), Hrodna («Old City»), Słucku («Majak»), Mahilovie («Mahnit») i Minsku («Ekspabieł», «Zamak» i «Novaja Jeŭropa»).
Kab pryniać udzieł rekłamnaj hulni, treba zachavać ček ad pakupki, zroblenaj u adnym z hetych handlovych centraŭ. «Zatym pakupniki mohuć zarehistravacca ŭ jakaści ŭdzielnika hulni z dapamohaj SMS-paviedamleńni abo praz sajt MPZ (rehistracyja biaspłatnaja). Nieabchodna padać dadzienyja ab udzielniku hulni i kasavym čeku, dla nastupnaha ŭdziełu ŭ štotydniovym rozyhryšy pryzoŭ, a taksama ŭ rozyhryšy finalnaha pryza napiaredadni Novaha hoda», — raspavioŭ pres-sakratar MPZ Siarhiej Škut.
Štotydzień va ŭsich handlovych centrach, jakija biaruć udzieł u akcyi, buduć razyhryvacca pa 5 pryzoŭ, kožny ź jakich składzie 1,25 młn rubloŭ. U kancy śniežnia buduć razyhrany hałoŭnyja pryzy pa 5 miljonaŭ rubloŭ.
Rekłamnuju hulniu pravodziać, kab «sfarmavać padatkovuju kulturu ŭ častcy zapatrabavańnia pakupnikami kasavych čekaŭ pry nabyćci tavaraŭ, pasłuh i rabot», tłumačać u MPZ.
U minułym hodzie MPZ pravodziła hetuju hulniu ŭ staličnych handlovych centrach «Kupałaŭski» i «Partyzanski», a taksama ŭ HC «Sakret» u Homieli.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal3
Kamientary