Падаткавікі прапануюць беларусам выйграць да 5 мільёнаў рублёў. Для гэтага трэба захаваць чэк ад пакупкі і падаць заяўку на ўдзел у рэкламнай гульні «Касавы чэк як шчаслівы квіток». Правілы размешчаны на сайце Міністэрства па падатках і зборах.
Рэкламная гульня пройдзе з 1 па 27 снежня ў гандлёвых цэнтрах пяці гарадоў — Брэсце (ТАА «Лагуна»), Гродна («Old City»), Слуцку («Маяк»), Магілёве («Магніт») і Мінску («Экспабел», «Замак» і «Новая Еўропа»).
Каб прыняць удзел рэкламнай гульні, трэба захаваць чэк ад пакупкі, зробленай у адным з гэтых гандлёвых цэнтраў. «Затым пакупнікі могуць зарэгістравацца ў якасці ўдзельніка гульні з дапамогай SMS-паведамленні або праз сайт МПЗ (рэгістрацыя бясплатная). Неабходна падаць дадзеныя аб удзельніку гульні і касавым чэку, для наступнага ўдзелу ў штотыднёвым розыгрышы прызоў, а таксама ў розыгрышы фінальнага прыза напярэдадні Новага года», — распавёў прэс-сакратар МПЗ Сяргей Шкут.
Штотыдзень ва ўсіх гандлёвых цэнтрах, якія бяруць удзел у акцыі, будуць разыгрывацца па 5 прызоў, кожны з якіх складзе 1,25 млн рублёў. У канцы снежня будуць разыграны галоўныя прызы па 5 мільёнаў рублёў.
Рэкламную гульню праводзяць, каб «сфармаваць падатковую культуру ў частцы запатрабавання пакупнікамі касавых чэкаў пры набыцці тавараў, паслуг і работ», тлумачаць у МПЗ.
У мінулым годзе МПЗ праводзіла гэтую гульню ў сталічных гандлёвых цэнтрах «Купалаўскі» і «Партызанскі», а таксама ў ГЦ «Сакрэт» у Гомелі.
Цяпер чытаюць
Што вядома пра арышт і зняволенне сенатара Ігара Сяргеева, дырэктара Беларускага цэментнага завода3
Што вядома пра арышт і зняволенне сенатара Ігара Сяргеева, дырэктара Беларускага цэментнага завода
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары