Dziaržaŭny doŭh Respubliki Biełaruś na 1 listapada skłaŭ 297,9 trłn. rubloŭ i pavialičyŭsia ŭ paraŭnańni z pačatkam 2015 hoda na 100,4 trłn. rubloŭ, abo na 50,9%, paviedamlaje Ministerstva finansaŭ.
Pavodle źviestak Minfina, źniešni dziaržaŭny doŭh pa stanie na 1 listapada skłaŭ 12,5 młrd. dołaraŭ ZŠA, źmienšyŭšysia z pačatku hoda na 90,5 młn. dołaraŭ ZŠA (z ulikam kursavych roźnic), abo na 0,7%.
U studzieni—kastryčniku 2015 hoda pryciahnuty źniešnija dziaržaŭnyja pazyki na 1 młrd. 872,9 młn. dołaraŭ ZŠA: 1 młrd. 374,3 młn. dołaraŭ — urada i bankaŭ Rasijskaj Fiederacyi; 445,5 młn. dołaraŭ — bankaŭ KNR; 53,1 młn. dołaraŭ — MBRR.
Na pahašeńnie źniešniaha dziaržaŭnaha doŭhu z pačatku 2015 hoda nakiravana 1 młrd. 784,2 młn. dołaraŭ: 1 młrd. dołaraŭ — jeŭraablihacyi; 264,8 młn. dołaraŭ — Jeŭrazijski fond stabilizacyi i raźvićcia; 237,5 młn. dołaraŭ — urad Rasijskaj Fiederacyi; 129,9 młn. dołaraŭ — banki KNR; 75,9 młn. dołaraŭ — MVF; 56,6 młn. dołaraŭ — banki Vieniesueły; 18,8 młn. dołaraŭ — MBRR; 0,7 młn. dołaraŭ — ZŠA.
Unutrany dziaržaŭny doŭh pa stanie na 1 listapada 2015 hoda skłaŭ 80,1 trłn. rubloŭ, pavialičyŭšysia z pačatku hoda na 31,7 trłn. rubloŭ (z ulikam kursavych roźnic — na 15,9 trłn. rubloŭ, u tym liku za košt źmieny kursu biełaruskaha rubla), abo na 65,6%.
Za studzień—kastryčnik 2015 hoda raźmieščana ŭnutranych valutnych dziaržaŭnych ablihacyj dla jurydyčnych asob i fizičnych asob (biez uliku apieracyj pa abmienie) na sumu, ekvivalentnuju 1 młrd. 438,7 młn. dołaraŭ ZŠA, i 1 trłn. 377,5 młrd. rubloŭ. Z pačatku 2015 hoda pahašana valutnych i rublovych dziaržaŭnych ablihacyj dla fizičnych i jurydyčnych asob (biez uliku apieracyj pa abmienie) na sumu 399,3 młn. dołaraŭ i 1 trłn. 830,8 młrd. rubloŭ.
Kamientary