I heta pry tym, što nichto nia vieryć choć u jakija kolviečy šancy na vybarach.
«Ciapierašni vybarčy kodeks, naturalna, daloki ad daskanałaści, ale damahacca jahonaj poŭnaj źmieny małaperspektyŭna. Tamu my vyrašyli zmahacca za vykanańnie taho, što jość ciapier. Faktyčna naša prapanova zvodzicca da troch punktaŭ: 1. Udzieł siabroŭ palityčnych partyj u vybarčych kamisijach; 2. Artykuły vybarčaha zakanadaŭstva nie pavinny zastavacca deklaracyjaj, a pavinny realna vykonvacca; 3. Partyi pavinny mieć mahčymaść pravodzić realnyja palityčnyja kampanii. Aproč CVK, my pieradadzim hetyja papiery ŭ pasolstvy krainaŭ Eŭrasajuzu i ZŠA», — kaža V.Karniajenka.
Staršynia AHP Anatol Labiedźka kaža, što ŭ vypadku nievykanańnia hetych patrabavańniaŭ, apazycyja za niekalki dzion da parlamenckich vybaraŭ moža źniać svaich kandydataŭ. Sa słovaŭ Labiedźki, takaja pazycyja była ŭzhodnienaja z usimi siabrami Abjadnanych demakratyčnych siłaŭ.
Sakratar CK PKB Alena Skryhan kaža, što vysunutyja patrabavańni jość minimalnymi. Na jaje dumku, ad CVK šmat u čym zaležyć praca na rehijanalnych vybarčych učastkach.
Vykonvajučy abaviazki staršyni BSDP Anatol Laŭkovič havoryć, što apazycyja nie buduje iluzij, što ŭłada moža źmianić praviły hulni. «Ale takija kroki rabić nieabchodna», — pierakanany A.Laŭkovič.
Namieśnik staršyni Partyi BNF Vincuk Viačorka ŭzhadaŭ biełaruskuju prykazku: «Na vajnu źbirajsia, a žyta siej». Na dumku Viačorki, heta test dla biełaruskich uładaŭ.
Milinkievič taksama nia maje iluzij, što ŭłada moža pahadzicca na takija praviły. Razam z tym, jon ličyć, što navat admovu možna vykarystać u svaich metach.
«My pojdziem da ludziej, budziem pakazvać našy prapanovy. Ludzi pavinny bačyć, što takich pavažanych ludziej, jak Miečysłaŭ Hryb, Stanisłaŭ Šuškievič ci Michaił Pastuchoŭ, nie puskajuć u vybarčyja kamisii. My pavinny pakazvać nielehitymnyja dziejańni našych uładaŭ. Heta budzie karysna dla myśleńnia našych ludziej», — kaža A.Milinkievič.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?3
Kamientary