Sienat Kanhresa ZŠA ŭ chodzie pasiadžeńnia pryniaŭ prajekt fiederalnaha biudžetu na 2016 finansavy hod, u jaki taksama ŭklučanaje pałažeńnie, jakoje skasoŭvaje naftavaje embarha, što dziejničała na praciahu 40 hadoŭ. Za hetaje rašeńnie prahałasavali 65 sienataraŭ, 33 vykazalisia suprać.
Ahulny biudžet składaje 1,1 trłn dalaraŭ. Pałažeńnie ab admienie naftavaha embarha było ŭklučana ŭ tekst u pracesie jaho ŭzhadnieńnia pamiž demakratami i respublikancami, jakija i vystupili z hetaj inicyjatyvaj, piša TASS.
Novy finansavy hod pačaŭsia ŭ ZŠA 1 kastryčnika, adnak dziaržbiudžet tak i nie byŭ zaćvierdžany, fiederalnyja ministerstvy i viedamstvy finansavalisia na padstavie časovaj rezalucyi, dziejańnie jakoj padaŭžałasia ŭžo niekalki razoŭ, kab nie dapuścić prypynieńnia pracy ŭrada. U pryniatym dakumiencie prapisanaje finansavańnie šerahu fiederalnych viedamstvaŭ, u tym liku, dziarždepartamienta i ministerstva nacyjanalnaj biaśpieki. Adnak, u hety pakiet nie ŭklučany biudžet Pientahona, jon byŭ pryniaty raniej asobna.
Ciapier hetyja dakumienty pastupiać na podpis prezidentu ZŠA, jaki, imavierna, padpiša ich užo ŭ piatnicu, bo ŭviečary kiraŭnik dziaržavy ź siamjoj adbyvaje ŭ adpačynak na pieryjad kaladnych śviataŭ.
Kamientary