Telefonnyja machlary pałochali 16‑hadovaha školnika dronami, kab toj addaŭ hrošy baćkoŭ
Na tematyčnym sajcie padletak paznajomiŭsia ź dziaŭčynaj i damoviŭsia pra asabistuju sustreču. Jak tolki chłopiec dabraŭsia da ŭmoŭlenaha miesca, jon adpraviŭ novaj znajomaj hieałakacyju.
Paśla hetaha jamu pastupiŭ videazvanok ad iłžepravaachoŭnika, jaki pahražaŭ, što pa jaho kaardynatach prylaciać vajskovyja drony, samoha padletka abvinavaciać u sadziejničańni teraryzmu, a baćkoŭ pasadziać u turmu, paviedamlaje «Milicyja Minska».
Kab vyratavać siamju, niepaŭnaletni pahadziŭsia zadekłaravać baćkoŭskija hrošy. Ź im źviazalisia iłžesupracoŭniki padatkovaj inśpiekcyi i z dapamohaj videazvankoŭ na praciahu dvuch tydniaŭ kantralavali pošuk źbieražeńniaŭ u kvatery.
Dalej pavodle ŭkazańnia taho, chto telefanavaŭ, padletak skłaŭ baćkoŭskija 28 000 rubloŭ u ekvivalencie ŭ kanviert i pakłaŭ pad dreva va ŭmoŭlenym miescy.
Kamientary