Va ŭsioj Polščy apazicyja pratestavała suprać sproby PiS-a ŭziać pad kantrol Kanstytucyjny sud
Pa ŭsioj Polščy prajšli mitynhi i pikiety ŭ abaronu demakratyi, jakoj, na dumku arhanizataraŭ — Kamiteta ŭ abaronu demakratyi — pahražajuć dziejańni ciapierašnich uładaŭ.
«Niezaležnaść Kanstytucyjnamu Sudu!» — skandavali kala budynka Sojma ŭ Varšavie niekalki tysiač čałaviek. Na dumku ŭdzielnikaŭ demanstracyj, partyja «Prava i spraviadlivaść», jakaja maje bolšaść u parlamencie sprabuje abmiežavać paŭnamoctvy Suda dla taho, kab mieć mahčymaść kiravać krainaj biez usialakich abmiežavańniaŭ.
«Demakratyja heta jak pavietra, a ŭ nas chočuć jaje zaraz zabrać. Chutka pačniom zadychacca. Adna, dźvie ci try demanstracyi nie źmieniać palityku kirujučaj partyi. Tamu treba vytrymać daŭžej», — skazała na mitynhu ŭ Varšavie polskaja režysiorka Ahnieška Chołand.
Pikiety i mitynhi prajšli bolš čym u 20 haradach Polščy, a taksama ŭ ZŠA, Belhii, Japonii, Niamieččynie, Vialikabrytanii, Partuhalii.
Udzielniki akcyj pratestu, a taksama bolšaść apazycyjnych palitykaŭ ličać, što «Prava i spraviadlivaść» blakuje pracu Kanstytucyjnaha sudu, nie zhadžajučysia pryvieści da prysiahi sudździaŭ, vybranych papiarednim parlamentam.
U svaju čarhu kirujučaja partyja śćviardžaje, što jany byli abranyja z parušeńniem zakona i tamu parlament novaha sklikańnia vybraŭ novych sudździaŭ, jakich, u svaju čarhu, da pracy nie dapuskaje dziejny staršynia Kanstytucyjnaha sudu.
Nivodzin z bakoŭ nia maje namieru sastupać, prapanoŭvajučy svaju traktoŭku normaŭ Kanstytucyi adnosna sytuacyi, jakaja skłałasia, tamu čaściej za ŭsio sytuacyju vakoł Kanstytucyjnaha sudu ŭ Polščy na siońniašni dzień nazyvajuć patavaj.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR2
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary