2 krasavika katalicki śviet uspaminaje Papu Jana Paŭła II. Na dumku mnohich, Śviatoha užo pry žyćci.
Hałoŭnyja ŭračystaści 3‑ch uhodkaŭ śmierci Papy Jana Paŭła II adbylisia pad staršynstvam Benedykta XVI, jaki 2‑ha krasavika, a 10.30 adsłužyŭ Śviatuju Imšu na płoščy Śv. Piatra. Eŭcharystyja dała pačatak taksama Suśvietnamu Apostalskamu Kanhresu Božaje Miłasernaści. Siońnia viečaram, a 21‑j rymskaha času, adbudziecca malitoŭnaje čuvańnie moładzi zarhanizavanaje Rymskaj Dyjacezyjaj. Delehacyja moładzi budzie adhavorvać ružancovuju malitvu pry hrobie Jana Paŭła II. Dziakujučy spałučeńniu pa radyjo‑telebačańniu ŭ malitvie zmohuć ŭdzielničać pilihrymy na Płoščy Śviatoha Piatra i cełym śviecie.
U raniašniaj Liturhii ŭdzielničała mnoha kardynałaŭ dy śviataroŭ, siarod jakich arcybiskup Tadevuš Kandrusievič dy ksiondz Ihar Łašuk jak taksama tysiačy viernikaŭ. U svaim kazańni Papa Benedykt XVI skazaŭ
Dzień 2‑ha krasavika zastaŭsia ŭ pamiaci Katalickaha Kaścioła jak dzień śmierci Słuhi Božaha Jana Paŭła II. My pieražyvajem nanava ź vialikimi emocyjami hetyja momanty ŭ subotu viečaram 2005‑ha hodu, kali viestka pra jahonuju śmierć była pryniataja vialikim natoŭpam viernikaŭ malitvaj. Na praciahu niekalkich dzion Vatykanskaja Bazylika dy Płošča Śviatoha Piatra tady stalisia sercam śvietu. Natoŭpy viernikaŭ addali pašanu Papie. Jahonyja pachoviny byli śviedčańniem pašany i pryviazanaści da Jaho ŭ dušach mnohich viernikaŭ dy śvieckich asob z kožnaha kutku śvietu. Śviataja Imša, jak jon časta paŭtaraŭ, była dla Jaho centram kožnaha dnia dy ŭsiaho žyćcia, davała jamu duchoŭnyja siły kiravać Božym Narodam.»
Zatym Benedykt XVI prypomniŭ važniejšyja etapy z žyćcia Karala Vajtyły ŭ spasłańni da mukaŭ i śmierci Boskaha nastaŭnika i Adkupiciela.
Va Ukrainie zahinuła 24-hadovaja biełaruskaja dobraachvotnica Maryja Zajcava15
Kamientary