2 красавіка каталіцкі сьвет успамінае Папу Яна Паўла ІІ. На думку многіх, Сьвятога ужо пры жыцьці.
Галоўныя ўрачыстасьці 3‑х угодкаў сьмерці Папы Яна Паўла ІІ адбыліся пад старшынствам Бэнэдыкта XVI, які 2‑га красавіка, а 10.30 адслужыў Сьвятую Імшу на плошчы Сьв. Пятра. Эўхарыстыя дала пачатак таксама Сусьветнаму Апостальскаму Кангрэсу Божае Міласэрнасьці. Сёньня вечарам, а 21‑й рымскага часу, адбудзецца малітоўнае чуваньне моладзі зарганізаванае Рымскай Дыяцэзыяй. Дэлегацыя моладзі будзе адгаворваць ружанцовую малітву пры гробе Яна Паўла ІІ. Дзякуючы спалучэньню па радыё‑тэлебачаньню ў малітве змогуць ўдзельнічаць пілігрымы на Плошчы Сьвятога Пятра і цэлым сьвеце.
У раняшняй Літургіі ўдзельнічала многа кардыналаў ды сьвятароў, сярод якіх арцыбіскуп Тадэвуш Кандрусевіч ды ксёндз Ігар Лашук як таксама тысячы вернікаў. У сваім казаньні Папа Бэнэдыкт XVI сказаў
Дзень 2‑га красавіка застаўся ў памяці Каталіцкага Касьцёла як дзень сьмерці Слугі Божага Яна Паўла ІІ. Мы перажываем нанава з вялікімі эмоцыямі гэтыя моманты ў суботу вечарам 2005‑га году, калі вестка пра ягоную сьмерць была прынятая вялікім натоўпам вернікаў малітвай. На працягу некалькіх дзён Ватыканская Базыліка ды Плошча Сьвятога Пятра тады сталіся сэрцам сьвету. Натоўпы вернікаў аддалі пашану Папе. Ягоныя паховіны былі сьведчаньнем пашаны і прывязанасьці да Яго ў душах многіх вернікаў ды сьвецкіх асоб з кожнага кутку сьвету. Сьвятая Імша, як ён часта паўтараў, была для Яго цэнтрам кожнага дня ды ўсяго жыцьця, давала яму духоўныя сілы кіраваць Божым Народам.»
Затым Бэнэдыкт XVI прыпомніў важнейшыя этапы з жыцьця Караля Вайтылы ў спасланьні да мукаў і сьмерці Боскага настаўніка і Адкупіцеля.
Цяпер чытаюць
Лукашэнка нервова пракаментаваў візіт Ціханоўскай у Кіеў44
Каментары