Roŭna na Novy hod u Dubai zhareŭ 63-paviarchovy hatel FOTA, VIDEA
Nichto nie zahinuŭ, usich evakujavali, ale ahoń achapiŭ uvieś budynak. A ludzi navokał spačatku dumali, što heta miehafiejervierk. 16 čałaviek było paraniena.
U dubajskim hateli Address Hotel Downtown uspychnuŭ pažar. Ab pryčynie pažaru, jaki achapiŭ chmaračos amal całkam, pakul ničoha nie viadoma.
Hatel dobra bačny z adnoj z płoščaŭ horada. Sacsietki zapoŭnienyja fota i videa ź miesca padziej. Na miescy pracujuć pažarnyja.
Vidavočcy paviedamlajuć ab achoplenych ahniom abłomkach, jakija padajuć na prylehłyja da hatela vulicy i susiednija budynki.
Hatel raźmiaščajecca pablizu ad miesca, dzie praź dźvie hadziny pavinien pačacca maštabny navahodni fiejervierk.
Jak paviedamili ŭ municypalitecie emirackaha miehapolisa, pažarnyja kamandy ŭžo prybyli na miesca zdareńnia i pačali tušyć pažar.
Usie pastajalcy hatela evakujavanyja, paviedamili va Upraŭleńni hramadzianskaj abarony emirata. Pa dadzienych ekstranych słužbaŭ, na miescy zdareńnia pracujuć try pažarnyja kamandy.
Pracu ratavalnikaŭ ŭskładniaje toje, što ŭ rajonie pažaru sabralisia dziasiatki tysiač adpačyvalnikaŭ. Hatel raźmieščany prosta nasuprać samaha vysokaha ŭ śviecie budynka Burj Khalifa, pobač ź jakim žychary i hości Abjadnanych Arabskich Emirataŭ (AAE) tradycyjna sustrakajuć Novy hod.
Jak padkreślili ŭ MUS AAE, u vyniku pažaru nichto nie paciarpieŭ. U municypalitecie Dubaja taksama zajavili, što pahrozy dla adpačyvalnikaŭ niama i śviatkavańnie Novaha hoda budzie prachodzić pavodle płana.
Ciapier čytajuć
18‑hadovy były palitviazień raskazaŭ, što jon svajak Cichanoŭskaj. Jaho zatrymali, kali jon jechaŭ vajavać za Ukrainu2
Kamientary