Apošnija anałahavyja telepieradatčyki ŭ Biełarusi buduć adklučanyja z 4 studzienia
Apošnija anałahavyja televizijnyja pieradatčyki ŭ Biełarusi buduć adklučanyja z 4 studzienia, paviedamiŭ načalnik siektara telebačańnia, radyjosuviazi i radyjoviaščańnia ŭpraŭleńnia elektrasuviazi Ministerstva suviazi i infarmatyzacyi Viktar Zajcaŭ. «U adpaviednaści z dakumientami, pryniatymi ŭ Ženievie ŭ 2006 hodzie, Biełaruś adklučyła anałahavaje viaščańnie 15 maja hetaha hoda. Takim čynam my vykanali svaje mižnarodnyja abaviazacielstvy z nahody pierachodu ad anałahavaha da ličbavaha viaščańnia ŭ adpaviednych pałosach častot. Razam z tym byli i anałahavyja častoty, što nie padpadali pad dziejańnie ženieŭskich damoŭlenaściej. Jany buduć adklučanyja z 4 studzienia», - rastłumačyŭ Viktar Zajcaŭ. «Taki termin ustanoŭleny z ulikam mierkavańnia nasielnictva, jakomu spatrebiŭsia čas dla kupli patrebnaha abstalavańnia i płaŭnaha pierachodu na ličbavaje TB. Uličvajučy śviatočnyja pieradnavahodnija tranślacyi, my vyrašyli adklučyć apošnija anałahavyja pieradatčyki nie ŭ apošnija dni 2015 hoda, a z 4 studzienia 2016-ha», - dadaŭ śpiecyjalist.
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary