Pinski mižrajonny adździeł Śledčaha kamiteta pravodzić pravierku pa fakcie śmierci 32-hadovaha mužčyny.
Jak paviedamiŭ aficyjny pradstaŭnik upraŭleńnia Śledčaha kamiteta pa Bresckaj vobłaści Maryna Drańkova, trup mužčyny byŭ znojdzieny 2 studzieni prykładna ŭ 15.40 u Pinsku, u akonnym prajomie vierandy kvatery pa miescy žycharstva. U hetym prajomie ŭstanoŭlenyja dva haryzantalnyja draŭlanyja bruski na adlehłaści 17 sm adzin ad adnaho. Bruski pryšrubavanyja bałtami, kab abaranić pamiaškańnie ad praniknieńnia. Hetyja abmiežavalniki nie dazvolili mužčynu vybracca vonki: jon zasieŭ pamiž imi.
U momant trahiedyi ŭvachodnyja dźviery kvatery byli začynienyja, kluč znachodziŭsia ŭ zamočnaj ščylinie z boku vulicy. U domie inšych ludziej nie było.
Pavodle najaŭnych źviestak, napiaredadni mužčyna raśpivaŭ śpirtnyja napoi.
Dla ŭstanaŭleńnia pryčyny śmierci pinčuka pryznačanaja sudova-miedycynskaja ekśpiertyza. Zhodna z papiarednimi źviestkami, jon zahinuŭ ad pieraachaładžeńnia. Śledčyja vyśviatlajuć usie akaličnaści zdareńnia, apytanyja susiedzi i znajomyja mužčyny. Zahinuły žyŭ adzin u kvatery dvuchkvaternaha adnapaviarchovaha žyłoha doma, nie pracavaŭ, złoŭžyvaŭ śpirtnymi napojami. Jaho cieła znajšoŭ susied.
Kamientary