Izrail paviedamiŭ, što zabiŭ u Biejrucie adnaho z kamandziraŭ ruchu «Chiezbała»
Armija abarony Izraila naniesła ŭdar pa paŭdniovym pryharadzie Biejruta — stalicy Livana. Rabiŭsia jon nie prosta tak, a z metaj zabić kamandujučaha śpiecyjalnymi apieracyjami hrupoŭki «Chiezbała» Ibrahima Akila. Śćviardžajecca, što hetaja meta paśpiachova dasiahnutaja.
Pavodle livanskich ŚMI, izrailski źniščalnik F-35 vypuściŭ dźvie rakiety, cellu dla jakich byŭ budynak u rajonie Dachija. U vyniku ŭdaru, jak śćviardžaje Ministerstva achovy zdaroŭja Livana, zahinuli 8 čałaviek, a 59 atrymali ranieńni. Adzin z zahinułych nibyta Ibrahim Akil.
Paviedamlajecca, što ranicaj 20 vieraśnia Akil byŭ vypisany z balnicy. Jon atrymaŭ ranieńni padčas masavaj detanacyi biespravadnych pryład suviazi 18 vieraśnia, pieradaje telekanał Al Hadath.
Akil nibyta byŭ zabity razam z členami elitnaha padraździaleńnia «Chiezbałły» «Radvan», kali jany pravodzili sustreču, piša Reuters.
Ibrahim Akil znachodziŭsia ŭ vyšuku ZŠA: u 1980-ja hady jon byŭ adnym z asnoŭnych členaŭ arhanizacyi «Isłamski Džychad» — terarystyčnaj jačejki «Chiezbały». Hetaja jačejka ŭziała na siabie adkaznaść za vybuchi pasolstva ZŠA ŭ Biejrucie ŭ krasaviku 1983 hoda, u vyniku jakich zahinuli 63 čałavieki, a taksama za vybuchi kazarmaŭ marskoj piechoty ZŠA ŭ kastryčniku 1983 hoda, jakija zabrali žyćci 241 amierykanskaha vajskoŭca. Za infarmacyju pra Akila pryznačanaja ŭznaharoda da 7 miljonaŭ dalaraŭ.
Daradca pa nacyjanalnaj biaśpiecy Biełaha domu Džon Kirbi zajaviŭ, što ZŠA nie byli zahadzia prainfarmavanyja pra ŭdar izrailskaj armii pa Biejrucie.
Premjer-ministar Livana Nadžyb Mikaci abvinavaciŭ Izrail u tym, što jon «nie nadaje značeńnia nijakim humanitarnym, pravavym abo maralnym mierkavańniam».
CACHAŁ nanios udary pa celach na poŭdni Livana
Bujnoje izrailskaje vydańnie abyhrała proźvišča Sałaŭjova na iŭrycie. Atrymaŭsia žorstki ruski mat
Izrail staŭ bambić paŭdniovy Livan
Nie tolki Livan: telefon vybuchnuŭ u rukach u mužčyny ŭ centry Maskvy
Jak Izrail stvaryŭ sučasnaha «trajanskaha kania» dla «Chiezbały» — cikavyja detali apieracyi z pejdžarami
U Livanie novyja vybuchi pryład dla suviazi. Hetym razam uzryvajucca racyi
Kamientary