Uładzimir Padhoł: 13 zahadak na Rastvo ad Łukašenki

Navukoŭcy kažuć, što pravilna pastaŭlenaje pytańnie viadzie da adkryćcia. Dakładnaje pytańnie byvaje kaštoŭniejšaje za šmat jakija kancepcyi.

Vystup Alaksandra Łukašenki na Rastvo Chrystova mieŭ unikalnuju častku, pryśviečanuju carkvie, śviataram i dziaržavie. Ja zrabiŭ ź jaho razvažańniaŭ narezku, a pry kancy tekstu sfarmuluju 13 pytańniaŭ-zahadak, jakija jon pastaviŭ.

Pavialičyć

Pavodle słoŭ kiraŭnika dziaržavy, jon nie razumieje tezisa «carkva pa-za dziaržavaj i adździelenaja ad dziaržavy». «Siońnia carkva ŭ Biełarusi pieratvaryłasia ŭ adzin z apiryščaŭ našaj dziaržavy, jaki zabiaśpiečvaje razam ź inšymi zacikaŭlenymi orhanami ŭłady i arhanizacyjami bałans našaha hramadstva»

«Vy mnie adkažycie na adno pytańnie — u nas carkva dziejničaje ŭ adpaviednaści z zakonam, Kanstytucyjaj? Viadoma. A chto stvaraje zakon i Kanstytucyju? Dziaržava, jaho pradstaŭniki. Voś i adkaz na pytańnie ab realnym stanoviščy spraŭ».

«Dyj carkva ŭ apošni čas, paśla raspadu Savieckaha Sajuza, — z tych časoŭ ja nie čuŭ, kab jana piedaliravała temu — my pa-za dziaržavaj. Ja nie čuŭ, kab naša Ruskaja pravasłaŭnaja carkva pra heta zajaŭlała».

«Carkva jak była, tak i zastaniecca adnym z słupoŭ, asnoŭnych apiryščaŭ našaj dziaržavy». «I ŭsie ŭ carkvie, prabačcie mianie za hetuju zaŭvahu, jak prezident i kiraŭnik dziaržavy ja mahu heta skazać, pavinny razumieć: carkva dziejničaje i funkcyjanuje va ŭmovach suvierennaj i niezaležnaj dziaržavy».

«Tak, my častka hetaha pravasłaŭnaha śvietu, jaki nazyvajecca Ruskaja pravasłaŭnaja carkva. My nie imkniomsia tam da niejkaj niezrazumiełaj aŭtanomii i samastojnaści, choć ščyra skažu — my heta abmiarkujem jašče na sustrečy sa śviatarami — carkva pavinna raźvivacca».

«Carkva nie pavinna spyniacca na adnym i tym ža. Ja ŭžo nie adnojčy źviartaŭ na heta ŭvahu — našaj carkvie treba ŭdaskanalvacca. I ja jak kiraŭnik dziaržavy, nakolki heta mahčyma, budu hetamu spryjać, nia nahniatajučy abstanoŭki».

«My nie byli suvierennaj niezaležnaj dziaržavaj u takoj stupieni, u jakoj źjaŭlajemsia ciapier. Naturalna, usie instytuty ŭłady i arhanizacyi, u tym liku carkva, pavinny prystasoŭvacca da hetaha, taksama ŭdaskanalvacca ŭ hetym kirunku. Ale jašče raz padkreślivaju, ŭsie my, i carkva pavinny razumieć — my suvierennyja i niezaležnyja».

«Viedaju, što ŭ nas jość šmat śviataroŭ, jakija čahości čakajuć ad prezidenta. Jašče raz padkreślivaju — nie miesca siońnia debatavać na hetuju temu, my heta abmiarkujem na našaj majučaj adbycca sustrečy. Ale hałoŭnaje ja skazaŭ — vy dziejničajecie u suvierennaj i niezaležnaj dziaržavie. U nas zaŭsiody była adzinaja i pryhožaja carkva, ja maju na ŭvazie nie tolki našy budynki i chramy, — dušoj naroda była carkva. I jana zaŭsiody taki zastaniecca». «Nikomu nie budzie dazvolena parušyć adzinstva našaj carkvy. Jak chočacie, tak i razumiejcie mianie. Carkva ŭ nas była prykładam dla pierajmańnia va ŭsim śviecie. Takim jana i zastaniecca». «Niedachopy jość usiudy, ale ŭ nas u cełym dobryja śviatary. Daj Boh, kab takija byli ŭ luboj dziaržavie. I ja dumaju, što zdarovyja siły, a ich pieravažnaja bolšaść, zaŭsiody buduć mieć i pieravahu ŭ vyznačeńni šlachoŭ raźvićcia našaj carkvy, roŭna jak i našaj dziaržavy».

I voś 13 pytańniaŭ i zahadak ad Łukašenki z pračytanaha.

1. Što takoje «carkva … adździelenaja ad dziaržavy»?
2. Što takoje «Carkva jak była, tak i zastaniecca adnym z słupoŭ, asnoŭnych apiryščaŭ našaj dziaržavy»?
3. «…u nas carkva dziejničaje ŭ adpaviednaści z zakonam, Kanstytucyjaj».
   
4. Ci skazana ŭ Kanstytucyi, što «Carkva jak była, tak i zastaniecca adnym z słupoŭ, asnoŭnych apiryščaŭ našaj dziaržavy?»
5. Chto takija ŭ Biełarusi «my častka hetaha pravasłaŭnaha śvietu, jaki nazyvajecca Ruskaja pravasłaŭnaja carkva»?
6. Da čaho jany nie imknucca? «My nie imkniomsia tam da niejkaj niezrazumiełaj aŭtanomii i samastojnaści«.
7. Jak «carkva pavinna raźvivacca i ŭdaskanalvacca»?
8. Jakim čynam usie «instytuty ŭłady i arhanizacyi, u tym liku carkva, pavinny prystasoŭvacca da suvierennaj niezaležnaj dziaržavy»? Jany što, dahetul dziejničajuć jak ŭ zaležnaj i nie suvierennaj dziaržavie?
9. Čaho «šmat śviataroŭ čakajuć ad prezidenta»?
10. Chto takija ŭ carkvie «zdarovyja siły, jakich pieravažnaja bolšaść»?
11. Jakim čynam«zdarovyja siły zaŭsiody buduć mieć i pieravahu ŭ vyznačeńni šlachoŭ raźvićcia … našaj dziaržavy»?
12. Chto takija niezdarovyja siły ŭ carkvie?
13. Što budzie rabić A.Łukašenka ź niezdarovymi siłami ŭ carkvie?

Pad čas pramovy Łukašenka ŭžyŭ vyraz:

Jak chočacie, tak i razumiejcie mianie.

Cikava, jak čytačy zrazumieli hetyja pytańni i adkazy na zahadki? Ich pilny čytač moža znajści ŭ tekście i bolš. Ale chacia b na hetyja dać adkazy.

• 1
• 0
• 0
• 0
• 0
• 0
• 0
• 0