Prahrama «Jandieks.pierievodčik» zasvoiła sindaryn, «movu elfaŭ», prydumanuju i raspracavanuju baćkam žanru «fentezi» Džonam Tołkinam.
Na sindaryn ciapier možna pierakłaści lubuju frazu ź luboj z astatnich dastupnych pierakładčyku moŭ. Možna taksama pierakładać ź sindaryna. Dla adlustravańnia movy vykarystoŭvajucca simvały «tenhvar», taksama prydumanyja Tołkinam.
Pierakładčyk pracuje ŭ testavym režymie i kamanda «Jandeksa» šukaje entuzijastaŭ dla jaho adładki. «Pakul pierakład z elfijskaj pracuje ŭ alfa-režymie, kamanda servisu šukaje nośbitaŭ sindaryna i lubyja nadpisy, što zachavalisia na hetaj movie, jakija dapamahli b palepšyć jakaść pierakładu», — cytuje pradstaŭnikoŭ «Jandeksa» ahienctva Interfaks.
Sindaryn kamanda Jandeksa dadała ŭ pierakładčyk da dnia naradžeńnia Džona R. R. Tołkina — 3 studzienia. Pry stvareńni sindaryna Tołkijen hruntavaŭsia na valijskaj movie. Taksama elfijskaja ŭklučaje elemienty staraanhielskaj i staražytnaskandynaŭskaj moŭ.
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary