U Centralnaj vajskovaj akruzie Rasii pačalisia vučeńni, na jakich adpracoŭvajecca ŭstojlivaść da infarmacyjna-psichałahičnaha ŭździejańnia praciŭnika, piša gazeta.ru sa spasyłkaj na pres-słužbu CVA.
«U vojskach CVA pačałasia maštabnaja pravierka zdolnaści adździaleńniaŭ, ekipažaŭ, raźlikaŭ vykanać vučebna-bajavyja zadačy ŭ luboj situacyi va ŭmovach masiravanaha infarmacyjna-psichałahičnaha ŭździejańnia ŭmoŭnaha praciŭnika», — havorycca ŭ paviedamleńni.
Prapahanda ŭ roznych vidach — ad telebačańnia i internetu da praryvu na radyjochvali praciŭnika — moža być mahutnym sposabam demaralizacyi i niejtralizacyi čužych vojsk.
Padčas bajavych dziejańniaŭ va Ukrainie taksama rassyłalisia SMS z pahrozami na mabilnyja telefony ŭkrainskich žaŭnieraŭ.
U značnaj stupieni słabaściu ŭkrainskaj infarmacyjnaj abarony i siłaj rasijskaj prapahandy byŭ abumoŭleny lohki zachop Kryma rasijskimi vojskami ŭ 2014 hodzie.
Biełaruskaje nasielnictva i vajskoŭcy nie atrymlivajuć ad kiraŭnictva navykaŭ supraćstajańnia prapahandzie, skiravanaj na padryŭ niezaležnaści Biełarusi. Chutčej naadvarot, dziaržaŭnaja infarmacyjnaja palityka charaktaryzujecca idejnym vakuumam, niepaśladoŭnaściu i prymityŭnaściu mietadaŭ.
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»36
Kamientary