Biełaruś raźmieścić u Azerbajdžanie svaju platformu pa raspracoŭcy naftavych radoviščaŭ. Pra heta 9 krasavika ŭ Miensku zajaviŭ žurnalistam staršynia kamisii pa ekanamičnych pytańniach parlamentu Azerbajdžana.
Biełaruś raźmieścić u Azerbajdžanie svaju platformu pa raspracoŭcy naftavych radoviščaŭ. Pra heta 9 krasavika ŭ Miensku zajaviŭ žurnalistam staršynia kamisii pa ekanamičnych pytańniach parlamentu Azerbajdžana Zijad Samiedzade.
Jak paviedamiŭ Samiedzade, pieramovy na hetuju temu ŭžo viaducca. Azerbajdžan prajaviŭ cikavaść da biełaruskich navukovych raspracovak, jakija tyčacca naftazdabyčy, a taksama da dośviedu pa refarmavańni ekanomiki, adznačyŭ parlamentar.
Pa vynikach 2007 hodu Azerbajdžan zajmaje šostaje miesca ŭ abjomie źniešniaha handlu Biełarusi z krainami SND. Uzajemny tavarazvarot za studzień‑luty 2008 hodu ŭ paraŭnańni z analahičnym letašnim peryjadam vyras u 2,3 raza j skłaŭ 16,9 miljona dalaraŭ.
Asnovu biełaruskaha ekspartu ŭ Azerbajdžan składaje pradukcyja mašynabudavańnia, drevaapracoŭki, pramysłovyja spažyvieckija tavary, pradukty. U tavarnaj struktury impartu z Azerbajdžana pieravažajuć sielskahaspadarčaja pradukcyja j syravina, — paviedamlajuć «Biełaruskija naviny».
Vizyt parlamenckaj delehacyi Azerbajdžana budzie doŭžycca da 11 krasavika.
Ciapier čytajuć
U Varšavu pryjechała sotnia biełaruskich palitviaźniaŭ16
Kamientary