Va ŭzroście 107 hadoŭ pamior ispanski doŭhažychar Antonia Dakampa Harsija, jaki całkam zamianiŭ vadu ŭ svaim racyjonie čyrvonym vinom. Pra heta paviedamlaje hazieta «A-Be-Se».
Jak adznačyŭ jaho syn Manuel Dakampa Łopes, na praciahu mnohich hadoŭ mužčyna nie braŭ ni kropli vady ŭ rot, z kožnym pryjomam ježy vypivajučy da 1,5 litra vina. Ale nie prostaha, a vyrablenaha na ŭłasnaj vinakurni bieź jakich-niebudź kansiervantaŭ. «Kali vyrablałasia 60 tysiač litraŭ vina ŭ hod, to 3 tysiačy jon pakidaŭ sabie dla asabistaha karystańnia, — adznačyŭ Łopes. — Jaho luboŭ da vina była biaźmiežnaj».
Antonia pačaŭ zajmacca vinahradarstvam i vyrabam čyrvonaha vina adrazu paśla Hramadzianskaj vajny (1936-1939 hh.). Paźniej jon pryśviaciŭ vinu ŭsio astatniaje žyćcio, što i dazvoliła jamu prytrymlivacca hetak niezvyčajnaha racyjonu. Upieršyniu antybijotyki doŭhažychar pryniaŭ va ŭzroście 103 hadoŭ.
Paśla siabie Antonia Dakampa Harsija pakinuŭ čatyroch dziaciej, siemiarych unukaŭ, dziesiać praŭnukaŭ i adnaho prapraŭnuka.
Kamientary