Ministr justycyi miarkuje, što ŭ incydencie z karespandentam tut.by milicyja dziejničała ŭ miežach svaich paŭnamoctvaŭ
Ministr justycyi Biełarusi Aleh Śližeŭski ličyć «nie zusim karektnym» kamientavać incydent z karespandentam tut.by Paŭłam Dabravolskim, jaki adbyŭsia 25 studzienia ŭ sudzie Frunzienskaha rajona Minska, bo nie ŭ kursie ŭsich detalaŭ, ale miarkuje, što milicyja dziejničała ŭ miežach svaich paŭnamoctvaŭ. Pra heta jon zajaviŭ 10 lutaha na pres-kanfierencyi ŭ Minsku.
Pavodle słoŭ Śližeŭskaha, jon «nie maje ŭsioj paŭnaty źviestak ab tym, što adbyłosia». «Adzinaje, toje, što ja sam čytaŭ u srodkach masavaj infarmacyi, nakolki ja zrazumieŭ, dziejańni (amapaŭcaŭ) byli ŭ peŭnaj stupieni spravakavanyja, i supracoŭniki ŭžyvali miery ŭ ramkach svaich paŭnamoctvaŭ. Ale aceńvać toje, što adbyłosia, prosta tak, zychodziačy ź infarmacyi, jakaja pastupaje sa ŚMI, ja, biezumoŭna, nie mahu. Pakolki acenka ŭ hetaj situacyi pavinna davacca kampietentnymi orhanami», — skazaŭ kiraŭnik Miniusta.
Žurnalist Dabravolski i hramadskija aktyvisty Maksim Šycik i Pavieł Siarhiej byli źbityja padčas sudovych słuchańniaŭ pa rezanansnaj «spravie hraficistaŭ». Siarhiej i Šycik byli z užyvańniem hrubaj siły vyviedzienyja z zały suda za toje, što razharnuli transparant z nadpisam «Nie palityčnym pieraśledam» i skandavali «Mastactva nie złačynstva!». Toje, što adbyvajecca, zdymaŭ na telefon Pavieł Dabravolski. Usich troch supracoŭniki AMAP zašturchali ŭ pakoj, dzie źbivali na praciahu prykładna 20 chvilin. U toj ža dzień źbitych asudzili za niepavahu da suda, drobnaje chulihanstva, niepadparadkavańnie patrabavańniam milicyi i pakarali bujnymi štrafami.
Dabravolski i Šycik napisali zajavu ŭ milicyju na dziejańni supracoŭnikaŭ i źniali paboi ŭ Dziaržaŭnym kamitecie sudovych ekśpiertyz.
Kab nie płacić padatak na sabak, minčuki pačali zdavać ich u punkty adłovu25
Kamientary