Amierykanskaja kampanija Anthropic, viadomaja raspracoŭkaj štučnaha intelektu Claude, padała zajaŭku na pieršasnaje raźmiaščeńnie akcyj na biržy (IPO). Pra heta paviedamiła sama kampanija.
Dakładnyja terminy, kolkaść akcyj i ich košt pakul nie vyznačany — heta budzie zaležać ad rynkavaj kanjunktury. Adnak, pavodle prahnozaŭ The New York Times, vychad na biržu moža adbycca ŭžo hetaj vosieńniu.
Padaŭšy zajaŭku, Anthropic apiaredziła svajho asnoŭnaha supiernika — kampaniju OpenAI (stvaralnika ChatGPT), jakaja taksama płanuje IPO. Ekśpierty adznačajuć, što lidarstva ŭ hetym pracesie daść pieravahu ŭ baraćbie za finansavańnie. Pry hetym u kancy červienia čakajecca vychad na biržu jašče adnaho hihanta — SpaceX Iłana Maska.
Anthropic była zasnavana piać hadoŭ tamu vychadcami z OpenAI. Za apošni čas jaje vyručka vyrasła amal u piać razoŭ — z 10 da 47 miljardaŭ dalaraŭ, u asnoŭnym dziakujučy pośpiechu instrumientaŭ dla prahramavańnia Claude Code.
Na siońnia acenka Anthropic užo pieravysiła pakazčyki OpenAI ($965 młrd suprać $852 młrd). Ekśpierty miarkujuć, što budučyja IPO Anthropic, OpenAI i SpaceX (čyja vartaść pieravyšaje tryljon dalaraŭ) mohuć stać adnymi z najbujniejšych u historyi.
Kamientary