Debaty adbuducca na niaprostyja i sprečnyja temy na styku navuki i chryścijanskaj relihii. Udzieł u ich voźmie Misijanierskaja łabaratoryja pry kafiedry apałahietyki Minskaj Duchoŭnaj Akademii. Padzieja projdzie z 19 da 21 hadzin u minskaj antykaviarni «Chto taki Džon Hołt?» (vuł. Šornaja, 20).
Uvachod płatny: 50 000 rub.
Udzielniki debataŭ:
– Kirył Bardonaŭ, katalicki śviatar, daktarant (aśpirant) Lublinskaha katalickaha ŭniviersiteta;
– Alaksandr Kuchta, pravasłaŭny śviatar, namieśnik staršyni Sinadalnaha misijanierskaha adździeła Biełaruskaj Pravasłaŭnaj Carkvy (toj samy videabłohier z «padvajeńnieam asoby», pra jakoha «NN» pisała raniej);
– Taras Talkoŭski, jevanhielski chryścijanin. U 2015 skončyŭ bahasłoŭski kaledž u Łondanie. Źjaŭlajecca słužkam carkvy «Novaja Ziamla».
– Ilja Baboŭnik, fizik-tearetyk. Udzielnik adnaho z ekśpierymientaŭ na Vialikim adronnym kałajdary. Arhanizatar cykłu navukova-papularnych lekcyj.
Viadoŭca-maderatar: Siarhiej Jaskievič, vypusknik Biełaruskaj dziaržaŭnaj akademii mastactvaŭ, uładalnik premii Savieta deputataŭ RB i premii Prezidenta RB, łaŭreat mižnarodnych fiestyvalaŭ, režysior-pastanoŭščyk, dramaturh i mastactvaznaŭca.
U śpisie ŭdzielnikaŭ mahčymyja źmieny.
Padčas debataŭ buduć abmiarkoŭvacca temy:
1) sučasnyja fakty «za» i «suprać» isnavańnia biblejskaha Boha;
2) teoryi evalucyi;
3) teoryi zaradžeńnia Suśvietu;
4) hienietyčnyja daśledavańni i kłanavańnie.
U abstanoŭcy ŭzajemapavahi kožny z udzielnikaŭ vykaža svajo mierkavańnie ab asnoŭnaj tematycy, zmoža adkazać na pytańni apanientaŭ i publiki.
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary