Siamja, jakaja prylacieła ŭ siaredzinie śniežnia ŭ Litvu z Hrecyi, u bližejšy čas maje namier z Rukły pierajechać u Vilniu, dzie znajšła pracu i žyllo. Čynoŭniki spadziajucca, što jašče kala 10 biežancaŭ prybuduć u Litvu ŭ sakaviku, piša lrt.lt.
«Mužčyna vielmi chacieŭ uładkavacca na pracu ŭ cyrulniu, padobna, jon znajšoŭ pracu z vyprabavalnym terminam. (…) Akramia taho, heta nie pieršy padobny vypadak, pakolki adzin biežaniec z Afhanistana (jon, praŭda, pryjechaŭ u Litvu nie pa hetaj prahramie), užo pracuje kiroŭcam», — paradavaŭsia vice-kancler ŭrada Rymantas Vajtkus.
Pierajechaŭšy ŭ Vilniu, siamja paŭhoda budzie atrymlivać pa 150 jeŭra dapamohi i adnarazovuju dapamohu na ŭładkavańnie žylla. Usie dapamohi biežancam byli źnižany jašče da ich pryjezdu ŭ Litvu. Pa słovach vice-kanclera, Litva płacić stolki, kolki moža, adnak pradstaŭnik AAN padkreśliła, što ŭciekačam treba nadać bolš uvahi, kab jany mahli paśpiachova intehravacca.
«Stanovišča biežancaŭ časta byvaje składanym. Časta jany majuć patrebu ŭ śpiecyjalnych mierach, kab mahli stać roŭnymi ź miascovymi. Heta varta ŭličyć pry vyrašeńni pytańnia sacyjalnaj dapamohi», — skazała pradstaŭnik AAN Karyn Devin.
Litvie pryjdziecca intehravać bolš za 1000 biežancaŭ, jakich pieraviaduć z Hrecyi i Italii. Patoki mihrantaŭ u hetym hodzie nie pamianšajucca, štodnia prybyvaje pa niekalki tysiač, adnak praces pieramiaščeńnia tarmozicca. Pa słovach vice-kanclera, užo vybrana 10 biežancaŭ, jakija pavinny byli pryjechać u lutym, adnak jany prapali ŭ Hrecyi. Pakolki paśla rehistracyi jany paŭhady mohuć svabodna pieramiaščacca pa ES, tamu inšyja adabranyja ludzi pryjeduć tolki ŭ sakaviku.
Za paŭhoda ES raźmierkavaŭ 500 biežancaŭ, a ŭsiaho ź Italii i Hrecyi pavinny pieravieści bolš za 100 000 čałaviek. Afiny kažuć, što sami krainy ES vybirajuć biežancaŭ i ŭskładniajuć ich pierasoŭvańnie. Jeŭrakamisija patrabuje ad usich krain ES ažyćciaŭlać damoŭlenaść, a Hrecyja i Italija - chutčej stvaryć centry rehistracyi, kab inšyja krainy chutčej mahli pryniać biežancaŭ.
Kamientary