Parfumier Uład Rekunoŭ: U vodary Łukašenki pavinny być ciopłyja siamiejnyja noty, a Pucin pachnie chvojaj
20 lutaha ŭ honar Dnia abaroncaŭ Ajčyny i Uzbrojenych sił Respubliki Biełaruś u Minsku, u mastackaj halerei «Dom karcin», byŭ arhanizavany prajekt «Pach mužčyny».
Akramia ŭsiaho inšaha, parfumier Uład Rekunoŭ u intervju BiełaPAN raspavioŭ ab vodary, jaki jon stvaryŭ u honar Uładzimira Pucina, a taksama ab tym, jaki parfium padychodzić Alaksandru Łukašenku.
Uład Rekunoŭ: «Ja vyśviatlaju, čym karystajecca sam čałaviek, ale abaviazkova testuju čałavieka sam. Ja chaču adčuć sam jaho, zazirnuć u jaho vočy, adčuć, jak jon reahuje na peŭnyja parfumiernyja noty. I kali my stvarali vodar «Uładzimir Pucin», ja, viadoma ž, viedaŭ, čym karystajecca Uładzimir Uładzimiravič. Vodar byŭ akruhły, ciopły, z draŭnianymi notami. I razam z tym tam vykarystanaja chvoja jak stryžań pachu, u vodary vykarystanaja chvoja ŭ pačatku kampazicyi, a taksama čornyja parečki, jakija vałodajuć hulnioj pamiž čornaj halinkaj i zialonaj jahadaj. Hetaja hulnia ŭ pačatku stvaraje vielmi pryjemnaje ŭražańnie. Akramia taho, ja staraŭsia pach zrabić vielmi stojkim.
Mnie zdajecca, što ŭ vodary Alaksandra Łukašenki pavinny być ciopłyja siamiejnyja noty. Ja baču, što siamja dla jaho značnaja, što Biełaruś jak kraina dla jaho taksama značnaja, jon zaścierahaje jaje, u rukach trymaje. Ja b rabiŭ akcent na sandałavyja noty, bolš vilhotnyja noty — pach byŭ by takim. I, całkam mahčyma, niejkija lohkija namioki na fruktovyja niuansy, dapuščalnyja ŭ mužčynskim pachu».
Kamientary