Ukrainskaja lotčyca Nadzieja Saŭčanka, abvinavačanaja ŭ Rasii ŭ datyčnaści da zabojstva rasijskich žurnalistaŭ, abviaściła suchuju haładoŭku ŭ znak pratestu suprać pieranosu jaje vystupu na pracesie z apošnim słovam.
Rašeńnie staršyni sudziejskaj kalehii Leanida Ściepanienki pieranieści apošniaje słova Saŭčanka stała dla ŭsich niečakanaściu. Raniej płanavałasia, što 2-3 sakavika ŭ haradzkim sudzie rasijskaha Daniecka projduć sprečki bakoŭ, i Saŭčanka pramović apošniaje słova.
Adnak paśla zakančeńnia sprečak sudździa niečakana abviaściŭ, što nastupnaje pasiadžeńnie adbudziecca 9 sakavika ab 11 hadzinie.
U adkaz na heta Saŭčanka, jakaja pahražała suchoj haładoŭkaj u vypadku, kali sud budzie zaciahvać vyniasieńnie joj prysudu, prakryčała, što abjaŭlaje suchuju haładoŭku nieadkładna.
Raniej u čaćvier advakat ukrainskaj lotčycy Mikałaj Połazaŭ, vystupajučy na sudovych sprečkach pa spravie, zaklikaŭ sud vynieści apraŭdalny prysud.
Połazaŭ znoŭ paŭtaryŭ, što abarona Nadziei Saŭčanka ličyć spravu «varjactvam, sfalsifikavanym va ŭhodu intaresam palityčnaha kiraŭnictva krainy».
Sprečki bakoŭ pa spravie Saŭčanka pačalisia ŭ sieradu z vystupu boku abvinavačańnia. Prakurory zajavili, što ličać abvinavačvańni ŭ adras ukrainki całkam dakazanymi, i zapatrabavali dla jaje pakarańnia ŭ vyhladzie 23 hadoŭ źniavoleńnia ŭ kałonii.
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?35
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary