Aficyjny pradstaŭnik rasijskaha MZS Maryja Zacharava nazvała zaklik dziarždepartamienta ZŠA vyzvalić ŭkrainskuju lotčycu Nadzieju Saŭčanka pramym ciskam na sud.
Pra heta jana napisała na svajoj staroncy ŭ Fejsbuku. Pa słovach Zacharavaj, «u Minskich damoŭlenaściach ni słova nie havorycca pra N. Saŭčanka, i ni pad adzin apisany tam vypadak jaje sprava nie padpadaje».
«Prajšło 20 miesiacaŭ, jak jaje zatrymali va Ukrainie i pierapravili ŭ Rasiju. Za hety čas jana, jak paviedamlajecca, vyprabavała dopyty, adzinočnaje źniavoleńnie i prymusovyja «psichijatryčnyja ekśpiertyzy». Jaje sudovy praces i ŭtrymańnie ŭ niavoli demanstrujuć niepavahu Rasijaj mižnarodnych standartaŭ i jaje niežadańnie vykonvać umovy Minskich pahadnieńniaŭ «, — havaryłasia ŭ zajavie dziaržsakratara ZŠA Džona Kery, apublikavanym u paniadziełak.
Saŭčanka abviaściła suchuju haładoŭku 3 sakavika. Takim čynam jana vykazała pratest suprać zaciahvańnia sudovaha pracesu — mienavita tak jana rascaniła rašeńnie sudździ pieranieści na 9 sakavika jaje vystup z apošnim słovam.
Rasijskija śledčyja abvinavačvajuć ŭkrainskich vajskoŭcaŭ u dačynieńni da śmierci ŭ 2014 hodzie dvuch rasijskich žurnalistaŭ u Łuhanskaj vobłaści Ukrainy.
Jaje abarona nastojvaje na nievinavataści klijentki i śćviardžaje, što lotčyca trapiła ŭ pałon raniej, jak zahinuli rasijskija žurnalisty. Akramia taho, Saŭčanka zajaŭlaje, što jaje vyvieźli na terytoryju Rasii siłkom.
Prakuratura patrabuje dla Saŭčanka 23 hady kałonii, advakaty patrabujuć jaje apraŭdać.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»26
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary