Za apošni hod kolkaść rasijanaŭ, jakija daviarajuć prezidentu Rasii Uładzimiru Pucinu, źniziłasia na 10%, śviedčać źviestki sacyjałahičnaha apytańnia «Levada-centra».
«Całkam daviarajuć» prezidentu 21%, «chutčej daviarajuć» — 52%, u toj čas jak u minułym hodzie takoje mierkavańnie vykazvali 26 i 57% apytanych adpaviedna.
Kolkaść respandentaŭ, jakija «chutčej nie daviarajuć» i «całkam nie daviarajuć» prezidentu ŭ svaju čarhu vyrasła na 5% - z 14-ci ŭ minułym hodzie da 19-ci — u ciapierašnim.
U 38% udzielnikaŭ apytańnia Pucin vyklikaje simpatyju i zachapleńnie (u minułym hodzie - 47%), 30% nie mohuć skazać pra jaho ničoha drennaha.
Jašče 15% staviacca da jaho niejtralna, 8% — naściarožana, 4% nie mohuć skazać ničoha dobraha i stolki ž adčuvajuć niehatyŭnyja pačućci.
Adkazvajučy na pytańnie, što ich pryciahvaje ŭ Pucinie, rasijanie, pierš za ŭsio, adznačali, što heta daśviedčany (33%) i dalnabačny (21%) palityk; enierhičny, rašučy, valavy čałaviek (31%), jaki abaraniaje dziaržaŭnyja intaresy (25%).
Ciapier čytajuć
Biełaruskuju movu na CT vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty7
Kamientary