Vaščykoŭski: Narody Polščy i Biełarusi byli achviarami adnoj impieryi
Narody Polščy i Biełarusi byli achviarami adnoj impieryi, zajaviŭ žurnalistam kiraŭnik polskaha MZS Vitald Vaščykoŭski, naviedvajučy 22 sakavika ŭročyšča Kurapaty pad Minskam, dzie jon uskłaŭ vianki da mahił achviaraŭ stalinskich represij.
«Takaja naša historyja. U prahramach roznych vizitaŭ zaŭsiody jość naviedvańnie miescaŭ pamiaci. Tut, kala Minska, lažać nieviadomyja hieroi, jakich my nie možam navat identyfikavać. U Kurapatach zahinuła šmat pradstaŭnikoŭ roznych narodaŭ, siarod jakich šmat tysiač palakaŭ. My ni ŭ čym nie vinavacim biełarusaŭ. My chočam razam šanavać hetaje miesca. Kaliści abodva našy narody byli achviarami adnoj impieryi», — skazaŭ jon.
Vaščykoŭski adznačyŭ, što šmat hadoŭ pamiž Biełaruśsiu i Polščaj nie było kantaktaŭ na vysokim uzroŭni. «My budziem uźnimać pytańni i haspadarčyja, i kulturnyja, i šmat inšych, jakija varta pamiž susiedziami ŭrehulavać», — skazaŭ jon.
Polšča, pavodle słoŭ Vaščykoŭskaha, taksama chacieła b, kab usie ŚMI Biełarusi pracavali ŭ roŭnych umovach. Pavodle jaho słoŭ, pry mahčymaści jon uźnimie pytańnie telekanała «Biełsat», jaki ŭ čaćviorty raz sprabuje atrymać akredytacyju ŭ Biełarusi. «ŚMI nie škodziać, a tolki infarmujuć. Jak hetuju infarmacyju vykarystoŭvajuć, zaležyć užo ad palitykaŭ», — skazaŭ kiraŭnik MZS Polščy.
Vizit Vaščykoŭskaha ŭ Biełaruś prachodzić 22—23 sakavika. U aŭtorak kiraŭnik polskaha MZS sustreniecca ź biełaruskim kaleham Uładzimiram Makiejem, pradstaŭnikami demakratyčnych siłaŭ Biełarusi.
Płanujecca taksama, što Vaščykoŭskaha prymie Alaksandr Łukašenka, adnak hetaja infarmacyja pakul nie paćvierdžanaja aficyjna.
***
Apošni raz ministr zamiežnych spraŭ Polščy naviedvaŭ Biełaruś bolš za piać hadoŭ tamu. U listapadzie 2010 hoda Radasłaŭ Sikorski, jaki tady zajmaŭ hetuju pasadu, pryjazdžaŭ u Minsk razam sa svaim niamieckim kaleham Hida Viesterviele, jany sustrakalisia z Alaksandram Łukašenkam. Heta było niezadoŭha da vybaraŭ prezidenta Biełarusi 19 śniežnia. Vybary zaviaršylisia žorstkim razhonam demanstracyi pratestu i aryštam apazicyjnych kandydataŭ u prezidenty, paśla čaho stasunki aficyjnaha Minska z Polščaj i Jeŭrasajuzam u cełym byli zamarožanyja.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB42
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary