Uber nie maje namieru sychodzić ź Biełarusi, zajaviła pradstaŭnik kampanii pa krainach SND Jaŭhienija Šypava na pres-kanfierencyi ŭ Minsku 23 sakavika.
Bolš za toje, dadała jana, Minsk demanstruje rekordnyja tempy raźvićcia Uber — tut kampanija raźvivajecca chutčej, čym heta adbyvałasia ŭ Maskvie, Rymie ci Varšavie. Za čatyry miesiacy servisam Uber u Minsku skarystalisia 80 tysiač čałaviek, a prykładańnie spampavali 580 tysiač karystalnikaŭ.
Uber — mižnarodnaja kampanija z San-Francyska, jakaja stvaryła adnajmiennaje mabilnaje prykładańnie dla pošuku, vykliku i apłaty taksi abo pryvatnych kiroŭcaŭ. Z dapamohaj Uber zakazčyk moža nie tolki zareziervavać mašynu, ale i adsočvać jaje pierasoŭvańnie da punktu zamovy. Apłata robicca z dapamohaj pryviazanaj da akaŭnta bankaŭskaj karty.
***
U Minsku Uber pačaŭ pracavać u listapadzie 2015 hoda, prapanavaŭšy karystalnikam svaju premijalnuju płatformu UberBLACK. 5 lutaha 2016 hady servis zapuściŭ u biełaruskaj stalicy biudžetnuju viersiju z bolš nizkimi taryfami UberX, nieŭzabavie paśla hetaha staršynia Minharvykankama Andrej Šorac daručyŭ pravieryć pracu kampanii ŭ suviazi z pretenzijami staličnych taksistaŭ z nahody niaroŭnych umoŭ pracy.
U lutym transpartnaja inśpiekcyja Ministerstva transpartu i kamunikacyj pa Minsku i Minskaj vobłaści praviała metavyja pazapłanavyja tematyčnyja apieratyŭnyja pravierki kampanij, jakija zajmajucca pieravozkami pasažyraŭ z vykarystańniem płatformy Uber. Pa vynikach pravierak było zajaŭlena ab najaŭnaści parušeńniaŭ u asobnychpieravozčykaŭ.
U adkaz Uber zajaviŭ pra masiravanuju infarmacyjnuju kampaniju pa inicyjatyvie hulcoŭ, nie zacikaŭlenych u źjaŭleńni servisu ŭ Biełarusi. «Nijakich pretenzij z boku transpartnaj inśpiekcyi ŭ suviazi z hetaj situacyjaj u dačynieńni da płatformy Uber ahučana nie było. Pretenzii źviazanyja z apieracyjnaj dziejnaściu asobna ŭziatych kiroŭcaŭ», — zaznačała tady Jaŭhienija Šypava, padkreślivajučy, što kampanija pracuje ŭ Biełarusi z vykanańniem nacyjanalnaha zakanadaŭstva.
Ciapier čytajuć
Anžalika Mielnikava paśla źniknieńnia nabyła dźvie kvatery ŭ Minsku9
Kamientary