Finlandyja adpraviła ŭžo piać śpiecrejsaŭ ź irakcami na radzimu
Finlandyja arhanizavała ŭžo piać čarternych rejsaŭ dla irakcaŭ, jakija vykazali žadańnie viarnucca na radzimu.
Pra heta paviedamlaje vydańnie Helsingin Sanomat sa spasyłkaj na dadzienyja finskaj palicyi.
Pieršy taki rejs adbyŭsia 18 lutaha. Potym samaloty adpraŭlali rehularna raz na tydzień.
Usiaho było pieravieziena kala 500 irakcaŭ, bolšaści ź jakich admovili ŭ zadavalnieńni chadajnictva ab prytułku ŭ Finlandyi.
Jak adznačajecca, arhanizacyja takoha śpiecrejsu abychodzicca Finlandyi ŭ 150-200 tysiač jeŭra. Pry hetym palicyja miarkuje, što i dalej budzie rabić padobnyja rejsy.
U minułym hodzie prytułku ŭ Finlandyi paprasili 32 tysiačy čałaviek, 20 tysiač ź ich — irakcy.
Kamientary