— Nijakaha kanfliktu niama, prosta ŭ mianie źjavilisia novyja idei i novyja prajekty, — raskazała ŭ paniadziełak Śviatłana Kalinkina pres-słužbie HA «BAŽ».
Eks-šef-redaktarka «Narodnaj voli» raspaviała, što siońnia pieršy dzień, kali jana nie pracuje ŭ vydańni. Zahad pra zvalnieńnie Kalinkinaj hałoŭny redaktar «Narodnaj voli» Iosif Siaredzič padpisaŭ na minułym tydni.
— My damovilisia, što ja praciahnu drukavacca ŭ «Narodnaj voli», ale ciapier źbirajusia zaniacca i inšymi prajektami, pra što, mahčyma, stanie viadoma praz tydzień-druhi.
Nijakaha kanfliktu ź Iosifam Siaredzičam u nas nie adbyłosia. Iosif Paŭłavič pastaviŭsia da majho zvalnieńnia pa-fiłasofsku i navat padpisaŭ zahad 1 krasavika – patłumačyŭšy, što jaho zaŭsiody možna budzie skasavać i nazvać pieršakrasavickim žartam, – raspaviała Kalinkina.
Śviatłana Kalinkina bolš za dziesiać hadoŭ pracavała ŭ niezaležnaj haziecie, dzie apošnija hady była šef-redaktaram.
Sychod Kalinkinaj moža tłumačycca piermanientnym finansavym hoładam u mnohich niezaležnych ŚMI. Zarobki tam nižej za rynkavyja, što ŭrešcie vyklikaje sychod prafiesijanałaŭ u inšyja śfiery. Niezaležnyja ŚMI abmiežavanyja ŭ srodkach, bo apynulisia ŭ «pastcy internetu». Dachody ad prodažu papiarovych viersij źnižajucca, dachody ad rekłamy abmiežavanyja z palityčnych pryčyn, a finansavać ŚMI svaimi achviaravańniami biełarusy zvyčki nie majuć.
Ciapier čytajuć
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam5
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym77
Kamientary