Niedaloka ad haradskoha pasiołka Lozna (Viciebskaja vobłaść) kiroŭca źbiŭ troch junakoŭ. Adzin z paciarpiełych zahinuŭ, paviedamili ŭ pres-słužbie ŭpraŭleńnia DAI UUS Viciebskaha abłvykankama.
DTZ adbyłosia 4 krasavika ŭ 20.15 na aŭtadarozie Viciebsk — miaža Rasijskaj Fiederacyi: 39-hadovy žychar Viciebska, kiroŭca adnaho z TAA, za rulom aŭtamabila «Ivieka» ździejśniŭ najezd na troch padletkaŭ, jakija išli pa krai prajeznaj častki.
U vyniku avaryi 11-kłaśnik adnoj ź miascovych škoł ad atrymanych traŭmaŭ pamior.
10-kłaśnik hetaj ža škoły i jašče adzin 16-hadovy chłopiec, jaki źjaŭlajecca hramadzianinam Rasii ź vidam na žycharstva, z traŭmami roznaj stupieni ciažkaści byli dastaŭleny balnicu.
Usie piešachody byli paznačanyja śviatłoadbiŭnymi elemientami. Viadziecca śledstva.
Kamientary