Na pačatak 2016 hoda ŭ Biełarusi pražyvała 806 čałaviek va ŭzroście zvyš 100 hadoŭ, paviedamiła 6 krasavika ŭ Minsku na pres-kanfierencyi, pryśviečanaj demahrafičnaj situacyi ŭ 2015 hodzie, namieśnik staršyni Nacyjanalnaha statystyčnaha kamiteta Žanna Vasileŭskaja.
Siarod doŭhažycharoŭ 682 žančyny i 124 mužčyny. Najbolšaja ich kolkaść pražyvaje ŭ Viciebskaj vobłaści, paviedamiła Vasileŭskaja.
«Jak viadoma, nasielnictva ličycca starym, kali dola asob va ŭzroście 65 hadoŭ i starej u im składaje 7%. Ciapier kožny siomy žychar Biełarusi, heta značyć 14,4% žycharoŭ krainy, znachodzicca va ŭzroście 65 hadoŭ i starej. Jak vynik stareńnia nasielnictva pavialičvajecca siaredni ŭzrost žycharoŭ respubliki, jaki siońnia składaje 40,1 hoda, u tym liku ŭ mužčyn — 37,3 hoda, u žančyn — 42,5 hoda. Z pačatku 2011 hoda našy žychary pastaleli na paŭhoda»,—- adznačyła śpiecyjalist.
Dla paraŭnańnia: siaredni ŭzrost žycharoŭ płaniety ŭ 2014 hodzie składaŭ 29 hadoŭ, Jeŭropy — 39,9 hoda.
Siaredni ŭzrost nasielnictva abłaściej adroźnivajecca ad siaredniaha ŭzrostu nasielnictva respubliki. Na praciahu mnohich hadoŭ samy «małady» rehijon Biełarusi — Minsk (38,3 hoda), nastupnym rehijonam źjaŭlajecca Bresckaja vobłaść (39,9 hoda). Samy «stary» rehijon — Viciebskaja vobłaść (41,5 hoda).
«Źnižeńnie ŭzroŭniu śmiarotnaści, stanoŭčaja dynamika ŭ naradžalnaści akazali istotny ŭpłyŭ na čakanuju praciahłaść žyćcia pry naradžeńni», — adznačyła śpiecyjalist.
Pavodle jaje słoŭ, čakanaja praciahłaść žyćcia pry naradžeńni pavialičyłasia z 70,4 hoda ŭ 2010 hodzie da 73,9 hoda ŭ 2015 hodzie. U mužčyn čakanaja praciahłaść žyćcia za hety pieryjad vyrasła na 4 hady i skłała 68,6 hoda, u žančyn pavialičyłasia na 2,4 hoda i skłała 78,9 hoda.
Ciapier čytajuć
Ofis Cichanoŭskaj užo ad siońnia pačynaje pracu ŭ Varšavie12
Ofis Cichanoŭskaj užo ad siońnia pačynaje pracu ŭ Varšavie
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary