Klijentaŭ čakajuć vielizarnyja štrafy.
Parłamient Francyi ŭchvaliŭ zakon, nakiravany na baraćbu z prastytucyjaj. Dakumient kryminalizuje kuplu seksualnych pasłuh, a nie ich prodaž.
Zhodna z dakumientam, klijenty seks-rabotnic pavinny zapłacić štraf pamieram 1,5 tysiačy jeŭra (1,7 tysiačy dalaraŭ) pry pieršym parušeńni. Pry paŭtornaj kupli seks-pasłuh štraf składzie 3,7 tysiačy jeŭra (4,2 tysiačy dalaraŭ). Akramia taho, klijenty prastytutak taksama buduć abaviazany prajści kurs lekcyj pra škodu handlu seksualnymi pasłuhami.
Dakumient taksama palahčaje praces lehalizacyi ŭ Francyi zamiežnych seks-rabotnic, jakija žadajuć pierastać zajmacca prastytucyjaj.
Prychilniki zakonu ličać, što jon dapamoža zmahacca z vypadkami prymusu da zaniatkaŭ prastytucyjaj.
Praciŭniki novych mier miarkujuć, što zakon prymusić seks-rabotnic chavacca, tym samym uzmacniŭšy ich zaležnaść ad sutenioraŭ i žorstkich klijentaŭ.
Kamientary