U bazie panamskich afšoraŭ, siarod inšych, zhadvajecca kampanija VTF BELARUS INC, zarehistravanaja jašče ŭ 1994 hodzie.
Na hety fakt źviarnuła ŭvahu žurnalistka Śviatłana Kalinkina ŭ svaim «fejsbuku».
Dyrektar VTF BELARUS INC — Ihar Subocin. Siarod biełaruskich imionaŭ u śpisie kiraŭnikoŭ taksama pradstaŭlenyja «Ihar Šaŭčenka» i «Uładzimir Bujan» (?).
Ihar Subocin blizki da sienatara Alaksandra Šakucina. U rejtynhu samych upłyvovych i paśpiachovych biznesmienaŭ krainy jon zajmaje 63-je miesca.
Subocin ličycca pamočnikam Šakucina u saviecie respubliki (na hramadskich pačatkach), byŭ namieśnikam i ŭ tenisnaj fiederacyi.
Pavodle infarmacyi «Ježiednievnika», u 1990-yja Subocin byŭ namieśnikam dyrektara Minskaha traktara zavoda. U toj čas tam pracavaŭ i Šakucin. Jany razam stvarali kampaniju «PMI-hrup» i ŭdzielničali ŭ pryvatyzacyi «Amkadora».
Kampanija «PMI Hrup» zajmajecca dystrybucyjaj abstalavańnia i zapčastak, maje ŭ svaim składzie Dziaržynski motaramontny zavod.
Na momant napisańnia materyjała mabilny telefon Ihara Subocina nie byŭ dastupny dla kamientara.
* * *
Hety nie pieršy vypadak, kali viadomyja biełarusy akazvajucca kiraŭnikami afšornych kampanij.
Naprykład, biznes na Brytanskich Virhinskich astravach mieŭ Alaksandr Miatła, blizki siabar Viktara Šejmana, zasnavalnik «Linii Stalina» i kiraŭnik abjadnańnia afhancaŭ.
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna1
Kamientary