U Jeŭrakamisii raskazali, kudy pojduć 30 miljonaŭ jeŭra, jakija vydajucca Biełarusi
U Jeŭrakamisii adkazali «Biełsatu» na pytańnie adnosna taho, na što pojduć € 30 miljonaŭ, vydadzienyja na 2026 hod dla padtrymańnia biełaruskaj hramadzianskaj supolnaści. Tam taksama raskryli detali taho, na što pajšli raniej vydadzienyja srodki.
Pradstaŭnica Jeŭrakamisii adznačyła, što «paśla fiktyŭnych vybaraŭ 2020 hoda ŭ Biełarusi dapamoha ES była pieranakiravanaja ad biełaruskich dziaržaŭnych orhanaŭ da niedziaržaŭnych subjektaŭ». I novy pakiet dapamohi sumaj € 30 młn nakiravany na try klučavyja haliny. Heta:
- dapamoha achviaram represij u adnaŭleńni svajho žyćcia;
- pavyšeńnie patencyjału svabodnych miedyj i arhanizacyj hramadzianskaj supolnaści ŭ supraćdziejańni manipulacyjam i dezynfarmacyi z boku režymu;
- pryciahnieńnie da adkaznaści za złačynstvy, učynienyja biełaruskimi ŭładami.
«Heta novaje finansavańnie budzie nakiravana praz pravieranych partnioraŭ-vykanaŭcaŭ arhanizacyjam hramadzianskaj supolnaści, niezaležnym miedyjam, pravaabaroncam, a taksama praź dziaržavy-čalcy ES abo mižnarodnyja arhanizacyi, jakija vałodajuć adpaviednym dośviedam, adukacyjnym ustanovam», — havorycca ŭ adkazie.
U Jeŭrakamisii zajavili, što z 2020 hodu ahulnaja suma padtrymańnia ES dasiahnuła € 200 młn. Dziakujučy hetamu ES «zachavaŭ mahčymaści demakratyčnaj Biełarusi, sadziejničajučy pašyreńniu pravoŭ i mahčymaściaŭ hramadzianskaj supolnaści, abaronie pravoŭ čałavieka i raźvićciu čałaviečaha kapitału Biełarusi». Siarod inšaha, byli raspracavanyja zakanadaŭčyja płany (naprykład, Kanstytucyi, roli prezidenta) dla budučaj Biełarusi, što majuć padrychtavać hlebu dla mahčymaha demakratyčnaha pierachodu. Taksama pry padtrymańni Jeŭrasajuza byŭ zapuščany telekanał Belarus Tomorrow, raźvivalisia suviazi pamiž ludźmi i pašyrałasia mabilnaść. Hetak, prajekt ArtPower Belarus dazvoliŭ biełaruskim mastakam i dziejačam kultury zachavać biełaruskuju movu i nacyjanalnuju identyčnaść u jeŭrapiejskaj kulturnaj prastory. A prajekt «Adukacyja dla biełarusaŭ» vydaŭ stypiendyi bolš jak 600 biełarusam dla navučańnia ŭ Jeŭropie i atrymańnia važnych navykaŭ dla sučasnaj ekanomiki.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj92
Kamientary
A čto kasajetsia punkta "pomoŝ žiertvam rieprieśsij v vosstanovlenii svojej žiźni", to včiera mnie popałaś statistika: pomohli hdie-to 10-11 tys. čiełoviek