Šuster abviaściŭ haładoŭku da adnaŭleńnia jamu dazvołu na pracu va Ukrainie
Televiadučy Savik Šuster zajaviŭ, što pačynaje haładoŭku, jakaja praciahniecca da taho času, pakul jamu nie viernuć prava pracavać va Ukrainie.
Pra heta jon skazaŭ u pramym efiry 3sTV.
«Ja abjaŭlaju haładoŭku da momantu viartańnia mnie prava pracavać va Ukrainie», — zajaviŭ žurnalist.
«Heta nie prablema patryjatyzmu ŭkrainskaha. Ja patryjot Jeŭropy. Ja nie chaču, kab u Jeŭropie krali, ja nie chaču, kab u Jeŭropie ździekavalisia ź ludiej, ja nie chaču, kab u Jeŭropie byli vojny. Ja liču, što tyja ludzi, jakija siońnia prymajuć takija rašeńni, jak my bačyli, heta ludzi, jakija viaduć nas da čarhovaj vajny, krovapralićcia», — dadaŭ Šuster.
«Ja budu haładać, pakul hetyja ludzi nie źmieniać svajo rašeńnie», — padkreśliŭ Šuster.
Jak viadoma, kijeŭski centr zaniataści pazbaviŭ televiadučaha Savika Šustera prava na pracu va Ukrainie z-za «niesapraŭdnaj daviedki ab niesudzimaści».
Žurnalist, u svaju čarhu, skazaŭ, što praciahnie pracu va Ukrainie, niahledziačy na zabarony.
Prezident Ukrainy Piatro Parašenka ŭ aŭtorak viečaram vykazaŭ nadzieju, što incydent z televiadučym Savikam Šusteram budzie vyčarpany ŭ samyja karotkija terminy.
A premjer-ministr Uładzimir Hrojsman daručyŭ razabracca ŭ situacyi z admienaj dazvołu na pracaŭładkavańnie žurnalista i apieratyŭna ŭrehulavać situacyju ŭ adpaviednaści ź dziejučym zakanadaŭstvam.
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki11
Kamientary