Aktyvist arhkamiteta pa stvareńni partyi «Biełaruskaja chryścijanskaja demakratyja» (BCHD) Andrej Hajdukoŭ aštrafavany na 10 bazavych vieličyń (2,1 młn. rubloŭ) za vyviešvańnie raściažki «Praca — prava, a nie abaviazak!».
Hajdukoŭ byŭ zatrymany supracoŭnikami milicyi 28 krasavika za toje, što raźmiaściŭ raściažku ŭ miescy, dzie raźmiaščeńnie infarmacyjnych materyjałaŭ nierekłamnaha charaktaru zabaraniajecca. Pavodle słoŭ samoha aktyvista, heta było treciaje vyviešvańnie adnoj i toj samaj raściažki za dzień, dvojčy jon fatahrafavaŭ jaje i zdymaŭ.
2 maja administracyjnaja sprava Hajdukova pa artykule 21.14 KoAP (parušeńnie praviłaŭ dobraŭparadkavańnia i ŭtrymańnia nasielenych punktaŭ) razhladałasia ŭ Navapołackim HAUS. Rašeńnie pra štraf vynies namieśnik načalnika adździeła ŭnutranych spraŭ Navapołackaha harvykankama pa ideałahičnaj i kadravaj pracy Uładzimir Šendziel, paviedamlajuć pravaabaroncy. Aktyvist BCHD maje namier jaho abskardzić.
Andrej Hajdukoŭ — były palitviazień, jon pravioŭ u źniavoleńni paŭtara hoda (ź listapada 2012 hoda pa maj 2014-ha). Pavodle danych śledstva, Hajdukova zatrymali «ŭ momant zakładki tajnika sa źviestkami, što cikavili zamiežnyja śpiecsłužby». Pieršapačatkova jon abvinavačvaŭsia pa artykule 356 Kryminalnaha kodeksa (zdrada dziaržavie ŭ formie praviadzieńnia ahienturnaj dziejnaści), paźniej abvinavačvańnie było pierakvalifikavanaje. 1 lipienia 2013 hoda Viciebski abłasny sud pryznaŭ Hajdukova vinavatym pa č. 1 art. 14 i art. 356-prym. KK (zamach na ŭstalavańnie supracoŭnictva sa śpiecyjalnaj słužbaj, orhanam biaśpieki abo raźviedvalnym orhanam zamiežnaj dziaržavy) i pryhavaryŭ da adnaho z pałovaj hoda pazbaŭleńnia voli. Sudovy praces prachodziŭ u zakrytym režymie
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień12
Kamientary