Šosty tur čempijanatu Biełarusi pa futbole jašče bolš zamacavaŭ liderskija pazycyi «Viciebska».
Kamanda z horadu nad Dźvinoj u subotu była ŭ Homieli, dzie sustrakałasia z adnaimienym klubam. Chacia liderstva «Viciebska» pa-raniejšamu razhladajuć, jak časovaje, kamanda zmahła pryvieści z poŭdnia Biełarusi jašče try punkty. Užo na 9-aj chvilinie były hamialčuk Rusłan Usaŭ adkryŭ lik. U druhim tajmie Raman Vasiluk z sprečnaha penalci vyraŭniaŭ ličby na tablo. Ale były dublor Śnitko prynios viciablanam pieramohu – 2:1. Na apošnich sekundach hulni homielski brazylec Majkon zabiŭ hoł, ale sudździe nie zaličyŭ jaho praz afsajd.
Znoŭ nia zmoh pieramahčy letašni čempijon. BATE tak i nie zabiŭ krepkaj «Smarhoni». Barysaŭcy sioleta atrymali tolki dźvie pieramohi, što naściarožvaje pierad startam u Lizie čempijonaŭ.
Paśla niaŭdačy ŭ minułym tury razzłavałasia mienskaje «Dynama». U Ždanovičach kamanda razhramiła miascovuju «Darydu» – 3:0. Dubl na rachunku Alaksandra Lebiedzieva.
MTZ-RIPA tolki na treciaj dadatkovaj chvilinie vyrvaŭ pieramohu ŭ mahiloŭskaha «Dniapra» – 2:1. Abodva hały zabiŭ Arciom Kancavoj.
Astatnija matčy turu prynieśli nastupnyja vyniki: «Naftan» – «Šachcior» – 1:1, «Tarpeda» – «Dynama» (Bieraście) – 1:1, «Nioman» – «Lakamatyŭ» – 2:1, «Hranit» – «Savit» – 1:0.
Turnirnaja tablica paśla šaści turaŭ vyhladaje nastupnym čynam: «Viciebsk» — 16 punktaŭ, MTZ-RIPA – 12, «Smarhoń», «Dynama» (Miensk) — pa 11, «Naftan», BATE – pa 10, «Šachcior», «Hranit» — pa 9, «Tarpeda» – 8, «Homiel», «Nioman» – pa 7, «Łakamatyŭ» — pa 6, «Dynama» (Bieraście) – 5, «Savit» — 4, «Dniapro» — 3, «Daryda» — 1.
Najlepšy bambardzir Arciom Kancavoj (MTZ-RIPA) – 7 hałoŭ.
Pašpart Novaj Biełarusi pačnuć vydavać z 26 studzienia. Što viadoma i jak atrymać?4
Kamientary