U Bresckaj vobłaści ŭšanavali ŭhodki pieramožnaj bitvy paŭstancaŭ Kalinoŭskaha suprać rasijskich akupantaŭ
Aktyvisty z Baranavičaŭ, Bresta, Kobryna sabralisia ŭ Miłavidach kala pomnika ŭ honar najbujniejšaj bitvy paŭstańnia 1863 hoda.
Prysutnyja ŭskłali kvietki dy zapalili źnički kala kaplicy dy vałunoŭ z šyldami ŭ honar udzielnikaŭ paŭstańnia 1863 hoda. Aktyvisty prybralisia kala hetych pomnikaŭ, a taksama kala kryža-pomnika zahinułym rasijskim žaŭnieram, jaki staić praz darohu ad kaplički ŭ honar paŭstancaŭ.
Kala pomniku ŭźniali bieł-čyrvona-biełyja ściahi, što pryciahnuła ŭvahu prajazdžajučych aŭto, kiroŭcy niekatorych ź jakich spynialisia i raspytvalisia, što za śviata adbyvajecca.
Akcyja adbyłasia bieź incydentaŭ, pradstaŭniki pravaachoŭnych orhanaŭ u Miłavidach nie prysutničali.
Paśla prybirańnia i pramovaŭ kala pomnika paŭstancam aktyvisty zładzili kruhły stoł na siadzibie TBM u Rusinie.
Bitva pad Miłavidami adbyłasia 22 maja 1863 hoda. Paŭstancy raźbili rehularnaje rasijskaje vojska, jakoje musiła adstupić z pola boju.
Štohod 22 maja aktyvisty z Baranavičaŭ, inšych miaścinaŭ prybirajuć kala pomnikaŭ u Miłavidach. U 2013 hodzie, na 150-ja uhodki bitvy tam zładzili navat «Miłavidski fest», jaki byŭ razahnany milicyjaj.
Kamientary