«Aktyŭna abmiarkoŭvaŭ palityčnaje žyćcio krainy»: Stanisłaŭ Šuškievič aštrafavany za ŭdzieł u Biełaruskim nacyjanalnym kanhresie

Pieršy kiraŭnik niezaležnaj Biełarusi, eks-śpikier Viarchoŭnaha savieta Stanisłaŭ Šuškievič aštrafavany za ŭdzieł va ŭstanoŭčym schodzie Biełaruskaha nacyjanalnaha kanhresa na 30 bazavych vieličyń (6,3 młn. rubloŭ) na padstavie častki 2 artykuła 23.34 KoAP.

Takoje rašeńnie 24 maja vyniesła sudździa suda Centralnaha rajona Minska Viktoryja Šabunia.

Sam Šuškievič na pasiadžeńnie suda nie pryjšoŭ, ale pakolki chadajnictvaŭ ab pieranosie razhladu spravy jon nie nakiroŭvaŭ, sudździa pryniała rašeńnie pravieści pasiadžeńnie siońnia. Pa viersii suda, eks-śpikier Viarchoŭnaha savieta braŭ udzieł u nie sankcyjanavanym Minharvykankamam mitynhu,

«vystupaŭ z hučnahavarycielem i vykrykvaŭ łozunhi».

U jakaści śviedki ŭ sudzie vystupiŭ inśpiektar RAUS Centralnaha rajona Dźmitryj Šantar. Pavodle jaho słoŭ, «na miescy mitynhu jon asabista pravodziŭ videadakumientavańnie, a tavaryš Šuškievič braŭ udzieł, źviartaŭsia ŭ miehafon». Supracoŭnik milicyi śćviardžaje, što Šuškievič byŭ papiaredžany pra adkaznaść za ŭdzieł u niesankcyjanavanaj akcyi, a pratakoł u adnosinach da jaho byŭ składzieny na miescy. «Pradstaŭniki milicyi skazali, što nieabchodna razyścisia, a Stanisłaŭ Stanisłavavič paśla papiaredžańnia jakraz i pajšoŭ», — zajaviŭ u sudzie Šantar.

Adznačym, što, pavodle słoŭ sudździ, pratakoł byŭ adpraŭleny pa pošcie.

Taksama ŭ jakaści śviedki ŭ sudzie vystupiŭ kamandzir uzvoda AMAP HUUS Minharvykankama Aleh Łukjanaŭ, jaki zajaviŭ, što asabista z Šuškievičam nie znajomy, ale «pa televizary bačyŭ».

Pavodle słoŭ Łukjanava, 15 maja supracoŭniki AMAP zastupili na achovu hramadskaha paradku ŭ skviery imia Ja. Kupały. «Nas pastavili nieści słužbu ŭ hramadzianskaj formiennaj vopratcy ŭ parku Ja.Kupały pa achovie hramadskaha paradku. Pavodle infarmacyi, kali tam budzie šmat ludziej, my pavinny budziem nablizicca i adsočvać abstanoŭku», — skazaŭ kamandzir uzvoda. Jon zajaviŭ, što supracoŭniki milicyi nazirali ŭ skviery kala 90 čałaviek ź bieł-čyrvona-biełymi ściahami. Na pytańnie sudździ, jak mienavita Šuškievič braŭ udzieł u tym, što adbyvajecca, Łukjanaŭ adkazaŭ: «Jon aktyŭna abmiarkoŭvaŭ palityčnaje žyćcio krainy».

Na pytańnie sudździ, jak mienavita Šuškievič prymaŭ udzieł u tym, što adbyvajecca, Łukjanaŭ adkazaŭ: «Jon aktyŭna abmiarkoŭvaŭ palityčnaje žyćcio krainy».

• 0
• 0
• 0
• 0
• 0
• 0
• 0
• 0