27 maja — lekcyja Paŭła Danejki «Vykliki budučyni: nazad da siaredniaviečča»

Vystup adbyvajecca ŭ miežach cykłu publičnych lekcyj «Ujaŭlajučy Biełaruś: idei i vobrazy dla supolnaj budučyni», jaki arhanizuje Latučy ŭniviersitet i Centr jeŭrapiejskaj transfarmacyi.

«Nivodnaja kraina nie moža być prykładam dla Biełarusi, bo treba znachodzić ułasnyja rašeńni ŭ svajoj krainie dla ŭłasnaha naroda. Heta jak u asabistym žyćci – vy možacie mieć niejkija ideały, ale heta vašaje žyćcio, vašaje asiarodździe i vašaja situacyja. Treba šukać ułasnaje raźviazańnie. Treba stvarać budučyniu tut, a budučynia – heta tvajo asabistaje vyrašeńnie tvaich asabistych prablem». (Z intervju z Paŭłam Danejkam).

My žyviem u kantekście źmieny technałahičnaj paradyhmy i pierachodu ad fabryčnaj vytvorčaści da infarmacyjnaha hramadstva, dzie kiravać buduć intelektualnyja elity. Raspaŭsiud internetu daŭ nam novyja mahčymaści biez pasiarednikaŭ vyrašać samyja roznyja pytańni – ad elemientarnaha šopinhu da prablem palityčnaha, ekanamičnaha, sacyjalnaha charaktaru. Kraŭdfandynh staŭ narmalnaj praktykaj finansavańnia prajektaŭ. Tannyja rečy, stvoranyja 3D-prynterami, kastamizacyja praduktaŭ, doŭhažycharstva – usio heta nie takija dalokija pierśpiektyvy našaha žyćcia. Hetyja tendencyi śviedčać pra toje, što čałaviectva ruchajecca ŭ śviet, dzie źmienicca sam sposab žyćcia, a razam z hetym rola i miesca tradycyjnych instytutaŭ – dziaržavy, siamji, pracy.

Jak budzie vyhladać sacyjalnaja arhanizacyja budučyni? Jakija z suśvietnych trendaŭ užo zakranuli ci zakranuć Biełaruś u bližejšym časie? Jakija barjery pieraškadžajuć nam stać častkaj hetych pracesaŭ i adkazać na vykliki budučyni?

27 maja Latučy ŭniviersitet i Centr jeŭrapiejskaj transfarmacyi ŭ miežach cykła «Ujaŭlajučy Biełaruś: idei i vobrazy dla supolnaj budučyni» zaprašajuć na adkrytuju lekcyju hienieralnaha dyrektara biźnies-škoły IPM Paŭła Danejki «Vykliki budučyni: nazad da siaredniaviečča». Halereja Ŭ (pr-t Niezaležnaści, 37 a), pačatak a 18.30

Na dumku lektara, «siaredniaviečča» – heta mienavita toj vobraz, jaki dazvalaje nam zrazumieć novuju sacyjalnaść, da jakoj viaduć sučasnyja tendencyi i trendy. Heta sacyjalnaść, dzie buduć daminavać indyvidualny padychod i łakalnyja supolnaści, dzie šmatlikija pytańni zdravaachovy, rynku pracy buduć vyrašacca na łakalnym uzroŭni, a za dziaržavaj buduć zamacavanyja sistemnyja funkcyi - takija jak abarona i biaśpieka. Sumnieŭna? Pravakacyjna? Prychodźcie spračacca i dyskutavać! Uvachod na lekcyju volny!

Videazapisy papiarednich lekcyj i anonsy nastupnych padziej Latučaha ŭniviersiteta šukajcie na sajcie Latučaha ŭniviersiteta.

• 0
• 0
• 0
• 0
• 0
• 0
• 0
• 0