Były kiraŭnik asacyjacyi imia śv. Jana Boska ŭ Baranavičach, muzyka Ihar Koktyš ad minułaha leta znachodzicca pad aryštam va Ŭkrainie dy čakaje ekstradycyi ŭ Biełaruś.
Ihar Koktyš viadomy ŭ Baranavičach, jak stvaralnik Humanitarnaj asacyjacyi imia śv. Jana Boska (žnivień 2000 hodu). U pryvatnaści, katalickaja supołka pad jaho kiraŭnictvam zmahałasia suprać narkazaležnaści i moładzievych samahubstvaŭ. Ihar taksama byŭ lideram rok‑hurtu «Mlečny Šlach».
Adnak u studzieni 2001 hodu na Koktyša zaviali kryminalnuju spravu, abvinavaciŭšy jaho ŭ zabojstvie svajaka blizkaha siabra. U čakańni suda lider «Mlečnaha šlachu» dziesiać miesiacaŭ pravioŭ u baranavickim SIZA.
Tam, jak jon śćviardžaje, jaho katavali, pakidajučy hołaha ŭ chałodnaj kamery, nie dajučy lekaŭ suprać astmy, źbivali. 7 śniežnia 2001 hodu Bieraściejski rajonny sud pryznaŭ jaho nievinavatym. Na sudzie dziesiać čałaviek zaśviedčyli, što na momant zabojstva, u jakim vinavacili Koktyša, jon znachodziŭsia ŭ inšym horadzie. 1 lutaha 2002 hodu Viarchoŭny sud pakinuŭ hetaje rašeńnie ŭ sile.
Adnak u krasaviku taho ž hodu hienprakuror apratestavaŭ hety verdykt, i spravu viarnuli na pierahlad u toj ža Bieraściejski rajonny sud. Darečy, na sajcie MUS Bieraściejskaha abłvykankama ŭ raździele «vyšuk» Ihar Koktyš značycca, jak złačynca, choć sud nad im jašče nie adbyŭsia.
I. Koktyš na toj momant źjechaŭ va Ŭkrainu lačyć astmu. Tam jon ažaniŭsia i razam z žonkaj stvaryŭ novy muzyčny hurt, jaki maje pośpiech na ŭkrainskaj scenie. U Biełaruś vyrašyŭ nie viartacca, pamiatajučy pra miesiacy, praviedzienyja ŭ Baranavickim SIZA.
25 červienia 2007 hodu supracoŭniki ŭkrainskaj milicyi aryštavali Koktyša. Jon da siońnia čakaje ekstradycyi ŭ Biełaruś. 11 traŭnia muzyka adznačyŭ za kratami 28‑y dzień narodzinaŭ.
Sprava biełaruskaha muzyki mieła mižnarodny rozhałas. U kastryčniku minułaha hodu Eŭrapiejski sud pa pravach čałavieka zabaraniŭ Ukrainie pieradavać aryštavanaha biełaruskamu boku, a «Mižnarodnaja amnistyja» adnačasova praviała akcyju terminovaj dapamohi, źviarnuŭšysia da ŭkrainskich uładaŭ z patrabavańniem nie dazvolić ekstradycyju. Ukrainskaja chryścijanskaja internet‑supolnaść stvaryła admysłovy sajt u padtrymku Ihara Koktyša.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary