Na hetym tydni ŭ Biełaruś pryjdzie śpioka

Na hetym tydni ŭ Biełaruś vierniecca letniaje nadvorje, paviedamiŭ načalnik słužby Biełhidramieta Dźmitryj Rabaŭ. «Pavietranyja patoki zamieniacca na paŭdniovyja, i ŭ krainu skirujucca vielmi ciopłyja pavietranyja masy z paŭdniovych moraŭ, što buduć supravadžacca navalnicami, zalevami, paryvistym vietram», — raspavioŭ sinoptyk.

Pavialičyć

U aŭtorak pieravažna biez apadkaŭ, tolki dniom pa poŭdni karotkačasovyja daždžy, miescami navalnicy. Nočču i ranicaj u asobnych rajonach słaby tuman. Tempieratura nočču plus 7—13°S, miescami plus 4—6°S, dniom plus 19—25°S.

U sieradu kraina apyniecca ŭ zonie ŭpłyvu aktyŭnych frantalnych sistem: na bolšaj častcy terytoryi karotkačasovyja daždžy, miescami mocnyja daždžy, navalnicy.

Tempieratura nočču plus 10—17°S, dniom plus 18—24°S, miescami da plus 26°S.

U čaćvier istotnych źmianieńniaŭ u nadvorji nie čakajecca. Biełaruś zastaniecca ŭ zonie frantalnych sistemaŭ i ciopłych pavietranych mas čarnamorskaha pachodžańnia: na bolšaj častcy terytoryi karotkačasovyja daždžy, miescami navalnicy. Dniom u asobnych rajonach mocnyja daždžy, mahčymy hrad.

Tempieratura nočču plus 12—18°S, dniom plus 20—27°S.

Pavodle słoŭ Rabava, u piatnicu stanie jašče ciaplej, z poŭdnia Francyi na krainy Bałtyi budzie pieramiaščacca cykłon, jaki vyniesie vielmi ciopłaje pavietra subtrapičnaha pachodžańnia.

Nočču miescami, dniom pieravažna pa paŭnočna-zachodniaj pałovie karotkačasovyja daždžy, navalnicy. Dniom u asobnych rajonach mocnyja daždžy, mahčymy hrad, pry navalnicach uzmacnieńnie vietru paryvami da 15—20 m/s.

Tempieratura nočču plus 13-19°S, dniom plus 24—30°S, pa poŭdni plus 31—33°S.

Vysoki tempieraturny fon, jaki pieravyšaje normu na 4-6°S, zachavajecca i ŭ vychodnyja dni.

U subotu nočču na bolšaj častcy terytoryi, dniom miescami karotkačasovyja daždžy, navalnicy. Nočču ŭ asobnych rajonach uzmacnieńnie vietru paryvami da 15-20 m/s.

Tempieratura nočču plus 12—19°S, pa paŭdniovym uschodzie plus 20—22°S; dniom plus 22—28°S, pa paŭdniovym uschodzie da plus 30°S.

U niadzielu miescami karotkačasovyja daždžy, navalnicy. Tempieratura nočču plus 11—18°S, dniom plus 22—29°S.

• 0
• 0
• 0
• 0
• 0
• 0
• 0
• 0