Pieramohaj mienskaha MTZ-RIPA skončyŭsia finał sioletniaha Kubku Biełarusi pa futbole. U vyrašalnym matčy «traktarazavodcy» ź likam 2:1 pierajhrali salihorski «Šachcior».
Lik u matčy byŭ adkryty ŭžo na piataj chvilinie, kali Viačasłaŭ Hleb udała syhraŭ u štrafnoj salihorcaŭ. «Šachcior» na praciahu matču mieŭ niekalki realnych mahčymaściaŭ lik vyraŭniać. U papiarečynu trapiŭ Nikifarenka, moh zabić i MTZ.
U druhim tajmie na zamienu ŭ «Šachciora» vyjšaŭ najlepšy bambardzir ajčynnaha futbołu Valery Strapiejkis. Mienavita jon u firmovym styli na 82-oj chvilinie adpraviŭ miač u bramu Alaksandra Sulimy – 1:1.
Zdałosia, što dadatkovamu času być, ale ŭžo praź imhnieńnie Viačasłaŭ Hleb i Aleh Strachanovič prynieśli MTZ-RIPA pieramohu. Strachanovič tak žarsna śviatkavaš zabity hoł, što atrymaŭ ad sudździ Kulbakova čyrvonuju kartku. Astatnija dziesiać staličnaja kamanda adkryta hulała na ŭtrymańnie liku. Chacia za dźvie chviliny da śvistka Maksim Hukajła moh zrabić lik roŭnym, ale nie atrymałasia.
Razam z vyjhranym trafejem MTZ-RIPA zabiaśpiečyŭ sabie traplańnie ŭ Kubak UEFA. «Šachcior» ža budzie hulać u Kubku Intertota. Užo viadoma, što jahonym pieršym supiernikam budzie polski «Lech».
***
Turnirnaja tablica paśla siami turaŭ maje nastupny vyhlad: «Viciebsk» — 17 punktaŭ, MTZ-RIPA, BATE – pa 13, «Smarhoń», «Dynama» (Miensk), «Tarpeda» — pa 11, «Naftan», «Šachcior», «Hranit» – pa 10, «Homiel», «Nioman» – pa 8, «Łakamatyŭ», «Savit» – pa 7, «Dynama» (Bieraście) – 6, «Dniapro» — 4, «Daryda» — 2.
Najlepšy bambardzir Arciom Kancavoj (MTZ-RIPA) – 7 hałoŭ.
Kamientary