U Brytanii pačynajecca hałasavańnie na refierendumie ab tym, ci zastavacca krainie ŭ składzie Jeŭrapiejskaha sajuza. Učastki dla hałasavańnia adkryvajucca a 7 ranicy (09:00 pa Minsku) i buduć pracavać da 10-j viečara.
Heta — usiaho treci ahulnanacyjanalny refierendum u historyi Złučanaha Karaleŭstva. Jamu papiaredničała burnaja ahitacyjnaja kampanija, padčas jakoj prychilniki vychadu Brytanii ź ES abjadnalisia pad łozunham Vote Leave ( «Hałasuj za vychad»), a hałoŭnym łozunham ich praciŭnikaŭ staŭ Remain («Zastacca»).
Ekzit-połaŭ na hetym refierendumie nie budzie. Kančatkovy vynik pavinien być viadomy da 7 ranicy 24 červienia.
Dla ŭdziełu ŭ hetym refierendumie zarehistravalisia amal 46,5 miljona čałaviek — rekordnaja dla brytanskich vybaraŭ ličba.
Im treba budzie pastavić kryžyk nasuprać adnaho z dvuch pytańniaŭ u biuleteni: «Ci pavinna Złučanaje Karaleŭstva zastacca čalcom Jeŭrapiejskaha sajuza?» abo «Ci pavinna Złučanaje Karaleŭstva vyjści ź Jeŭrapiejskaha sajuza?»
Vynik budzie vyznačacca na asnovie prostaj bolšaści - dla vyznačeńnia dalejšaha losu Brytanii adnamu z hetych pytańniaŭ nieabchodna nabrać 50% plus adzin hołas.
Ciapier čytajuć
18‑hadovy były palitviazień raskazaŭ, što jon svajak Cichanoŭskaj. Jaho zatrymali, kali jon jechaŭ vajavać za Ukrainu2
Kamientary