Dyvizija ŭ Smalenskaj vobłaści ŭvachodzić u pieralik troch novych złučeńniaŭ, pra farmavańnie jakich abviaściŭ raniej kiraŭnik Minabarony Rasii Siarhiej Šajhu.
Motastrałkovaja dyvizija, jakaja stvarajecca ŭ Smalenskaj vobłaści, uvojdzie ŭ skład 1-j hvardziejskaj tankavaj armii i budzie kančatkova razhornuta da siaredziny nastupnaha hoda. Pra heta paviedamiła TASS krynica ŭ Hienštabie Rasii.
«Hienštab pa ŭzhadnieńni ź ministram abarony pryniaŭ kančatkovaje rašeńnie ab tym, što novaja Jelninskaja motastrałkovaja dyvizija razam z Tamanskaj motastrałkovaj i Kantemiraŭskaj tankavaj dyvizijami ŭvojdzie ŭ skład 1-j hvardziejskaj tankavaj armii», - skazaŭ surazmoŭca ahienctva.
«Farmiravańnie dyvizii ŭ Smalenskaj vobłaści pačałosia značna paźniej, čym adnatypnych złučeńniaŭ u Varoniežskaj i Rastoŭskaj abłaściach, tamu zaviaršeńnie jaje kamplektavańnia i ŭźviadzieńnia dla jaje abjektaŭ infrastruktury zapłanavana nie na śniežań hetaha hoda, a na kaniec pieršaj pałovy nastupnaha hoda», - udakładniŭ jon.
Krynica nahadała, što kolkaść dyvizii sa štabam u Jelni składzie kala 10 tysiač čałaviek.
Pavodle jaho źviestak, u skład novaha złučeńnia ŭvojduć try motastrałkovych i adzin tankavy połk, samachodny artyleryjski i zienitny rakietny pałki, a taksama padraździaleńni zabieśpiačeńnia.
Dyvizija ŭ Smalenskaj vobłaści ŭvachodzić u pieralik troch novych złučeńniaŭ, ab farmiravańni jakich abviaściŭ raniej kiraŭnik Minabarony RF Siarhiej Šajhu. Viasnoj načalnik hałoŭnaha apieratyŭnaha ŭpraŭleńnia Hienštaba Siarhiej Rudski paviedamlaŭ, što vajskoŭcy pakul nie vyznačylisia z padnačaleńniem Jelninskaj dyvizii.
Jelnia znachodzicca za 110 km ad miažy ź Biełaruśsiu.
Raniej taksama paviedamlałasia pra farmavańnie vajskovaj bazy ŭ Klincach Branskaj vobłaści, taksama niepadalok ad miažy ź Biełaruśsiu.
Jelninskaja dyvizija budzie mieścicca na adlehłaści karotkaha maršu ad Oršy — hałoŭnaha transpartnaha vuzła na poŭnačy Biełarusi, a Klincoŭskaja — ad Homiela.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»23
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary