Biaspłatnyja kancerty la Ratušy ŭ Minsku praciahvajucca. Ciapier — kłasika

9 lipienia — 3D-kancert i viečar simfaničnych šedeŭraŭ

Ansambl salistaŭ «Parcita». U prahramie — virtuoznaja i jaskravaja muzyka Hiendela, Vivaldzi, Mocarta, Hajdna i Saljery.

Dziaržaŭny akademičny simfaničny arkiestr pad kiraŭnictvam narodnaha artysta Biełarusi maestra Alaksandra Anisimava. U prahramie — simfaničnyja šedeŭry Čajkoŭskaha, Štraŭsa, Sibieliusa, Dvoržaka i inšych.

16 lipienia — pijanisty-hienii dy «Muzyčnaja duel Pavaroci i Sinatry»

Łaŭreaty šmatlikich mižnarodnych muzyčnych konkursaŭ, juny pijanist Uładzisłaŭ Chandohi i jahony darosły kaleha Kirył Kieduk, jakim rady prestyžnyja kancertnyja placoŭki śvietu.

Šou-kancert «Muzyčnaja duel Pavaroci i Sinatry» z udziełam salista Ciurychskaj opiery tenara Paŭła Piatrova, barytona Antona Martynava i MuzzicDom Orchestra pad kiraŭnictvam asistenta Rykarda Muci — dyryžora Uładzimira Avadka.

23 lipienia — viečar muzyki baroka — padarožža ŭ časie

Tvory Vivaldzi, Bacha, Hiendela, Telemana buduć vykananyja małymi ansamblami i arkiestravym składam «Kamiernyja salisty Mienska» pad kiraŭnictvam maestra Dźmitryja Zubava (Rasija).

30 lipienia — kłasika pa-hišpansku

Pijanist Alfreda Avajes i hitarystka Andrea Hansales Kabaljera ŭ sadružnaści ź biełaruskim vijałančelistam ź Niamieččyny Samsonavym i skrypačom Aleham Jacynam vykanajuć kłasičnuju i aŭtentyčnuju hišpanskuju muzyku. Muzyčnuju častku ŭpryhožyć fłamienka.

6 žniŭnia — muzyki-vunderkindy Biełarusi i interaktyŭny kancert z arkiestram

Dzieci-muzyki, łaŭreaty muzyčnych konkursaŭ vystupiać z zapaminalnymi numarami solna i ŭ supravadžeńni arkiestra.

Interaktyŭny kancert, jaki składajecca z pjes Broniera dla słuchačoŭ z arkiestram i interaktyŭnaj pjesaj «Voś by» Padhajca z udziełam hledačoŭ vykanaje Dziaržaŭny kamierny arkiestr Biełarusi pad kiraŭnictvam maestra Jaŭhiena Buškova (Rasija).

13 žniŭnia — muzyčnyja žarty, tanha, muzyka savieckaha kino i kłasika ŭ džazie ŭ «Muzyčnaj haścioŭni Taćciany Starčanki»

«Kłasik-džaz-trya» — ansambl vykanaje viadomuju kłasiku ŭ džazavaj apracoŭcy i paraduje publiku svajoj tvorčaściu.

Kvartet V.S.O.P. vykanaje muzyku tanha ź viadomych filmaŭ.

Salisty prajekta «Muzyčnaja haścioŭnia» buduć žartavać muzyčna i vykonvać tvory ź lubimych savieckich filmaŭ.

20 žniŭnia — muzyka, narodžanaja ŭ Halivudzie, z arkiestram z Mahilova i dyryžoram ź Vieniesueły, a taksama sajuz arfy, flejty i baleta

Kaciaryna Žuraŭlova (arfa), Jaŭhien Vidanaŭ (flejta), Michaił Kanstancinaŭ (marymbie i vibrafon) vykanajuć niekalki kłasičnych i sučasnych muzyčnych numaroŭ, dva ź jakich dapoŭnić vytančanaja kłasičnaja chareahrafija.

Simfaničny arkiestr Mahiloŭskaj kapeły pad kiraŭnictvam maestra Chierarda Estrada Marciniesa (Vieniesueła) vykanaje muzyku z samych viadomych kinafilmaŭ sučasnaści: «Zornyja vojny», «Piraty Karybskaha mora», «Tytanik», «Hulni tronaŭ» i h.d.

27 žniŭnia — zakryćcio fiestyvalu. Strunny kvartet z Polščy i šykoŭnaja muzyka Biełarusi 19-20 stahodździaŭ u vykanańni MuzzicDom Orchestra

Vienskuju kłasiku, polskuju i biełaruskuju muzyku Maniuški vykanaje strunny kvartet z horada Katavicy Altra Volta.

Biełaruskaja akademičnaja muzyka budzie vykananaja MuzzicDom Orchestra pad kiraŭnictvam maestra Ivana Kaściachina. Hości pačujuć uvierciury i aryi z opier Maniuški «Halka», «Verbum Nobile» i «Strašny dvor» dy inšych.

• 0
• 0
• 0
• 0
• 0
• 0
• 0
• 0